Page 33 - MIN SJA 11 MAART 2016

26 AWEMainta Diabierna, 11 Maart 2016

Partido
MEP y Forsa
Femenino Grace
a organisa
un bunita
celebracion
pa Dia
Internacional di
Hende Muhe

DEN un Sala Lika Werleman na Piedra Plat

Entertainment Center completamente yen,
Partido MEP y su comision di damas, Forsa
Femenino Grace, a celebra Dia Internacional
di Hende Muhe.

E actividad tabata SOLD OUT di trempan,
y a resulta un exito grandi. Notario Marion
Tromp a comparti informacion tocante
herencia, cu tabata sumamente interesante.
Debi na e interes grandi, lider di MEP Evelyn
Wever-Croes a compromete di organisa un
seminario separa cu notario Tromp pronto.
Sandra Croes tabata e di dos orador y a duna
un bunita relato di bida real, cu a impacta tur
hende, cu e mensahe, tur hende por cay, pero
tur hende por lanta bek tambe si bo tin Fe y
sosten di famia.

Sansha Koolman a declama un bunita poesia
y Francis Jacobs a deleita un y tur cu su canto.
MC pa e anochi aki tabata Esmeralda, Tanchi
Esmee, cu tambe a declama un bunita poesia.
Y finalmente, e candidatanan femino di
Partido MEP tur a hiba palabra y a duna un
reflexion riba e dia.
Ami Richards, Stephanie Croes, Setty
Yarzagaray, Mireille Sintjago, Shailiny
Tromp-Lee, Xiomara Ruiz-Maduro y Evelyn
Wever-Croes, tur a duna un mensahe di
e lucha y exitonan di hende muhenan
den pasado, den presente y esaki lo conta
indudablemente tambe pa e futuro.

Presidente di Forsa Femenino Grace, sra.
Yuyu Croes, presidente di partido dr. Gerrit
Croes y lider di Partido MEP Evelyn Wever-
Croes a gradici tur presente pa nan sosten y
presencia den e celebracion. Pabien Partido
MEP y Forsa Femenino Grace cu e celebracion
exitoso aki.