Page 19 - Min.ecem feb13

Mike de Meza cu elogio pa 35 aña di trabou di Jeffrey Gomez
pa pais Aruba

Thursday, 12 February 2015 17:20
Comparti

Minister Mike de Meza a duna reconocemento na Jeffrey J. Gomez cu a cumpli 35 aña den servicio di
pais Aruba, un trayectoria largo y cu hopi dedicacion.
Sr. Gomez a cuminsa traha na edad di 23 aña na DOW como aspirant tekenaar y despues a crece como
opzichter. Cu tempo a wordo promovi como Hoofd Technisch Opzichter. Na 1997 cu edad di 41 aña el a
haya oportunidad pa sigui studia den pa amplia su calificacionnan tecnico y tabata biaha pa diferente
bouw beurs pa amplia su conocimento den ramo di arkitectura. “Mi a cuminsa traha cu Minister ing.
Mike de Meza pa motibo cu nos ta comparti e mesun ambicion pa desaroyo di San Nicolas. Mi ta gusta e
vision di Minister pa pariba di brug y nos a logra hopi hunto den corto tempo. Por ehempel renoba e
camponan deportivo, Joe Laveist Sport Park, Centro di Bario Lago Heights cu awor ta Bogaerts Ball Park,
Parke di Esso Heights y continua cu e desaroyonan den Diamant Berg Weg y otro parti,” Sr. Gomez a
splica. Di parti di Ministerio di Asuntonan Economico, Comunicacion, Energia y Medio Ambiente a
felicita y alabes gradici Jeffrey Gomez pa e 35 añanan di dedicacion y ambicion pa e desaroyonan cu a
wordo haci y cu ainda falta pa pais Aruba.

http://www.24ora.com/politica-mainmenu-18/91748-mike-de-meza-cu-elogio-pa-35-ana-di-trabou-di-
jeffrey-gomez-pa-pais-aruba

Ing Mike de Meza: Valero ta bende pero mester ta un
compania serio pa evita problema pa nan mes

Thursday, 12 February 2015 20:42
Comparti

E dianan aki ta tende tambe comentarionan di politiconan opositor riba e refineria di Aruba. Segun
opositornan, Valero no kier bende ora tende tur e companianan cu lo a mustra interes. Valero tin