Page 1 - AM200626

Juni 26, 2020
www.awemainta.com
www.facebook.com/awemainta
noticia@awemainta.com
583-1400

Pa casinonan por acepta florin den casinonan

CADA CASINO MESTER TIN

LICENCIA DI BANCO CENTRAL

NA 2017 Parlamento a aproba cambio di ley cu ta regula
cambio di moneda entre florin cu monedanan internacional.
Cu e cambio, casinonan di Aruba a keda inclui den e definicion
di compania cu ta haci transaccion di moneda.
Resultado di e cambio di ley ta cu casino mester tin un licencia
special di Banco Central si nan ta cambia florin pa dolar y
esaki ta drenta na vigor cuminsando na juli awor.
E regulacion nobo relaciona cu cambio di moneda a resulta di
ta dificil pa casinonan por maneha.

Consecuentemente, mayoria di casino lo no adkiri e licencia
special aki pa por acepta florin di cliente local den casino.
Como alternativa, Banco Central di Aruba a duna permiso
pa ATM di banco den casino por saca dolar Mericano pa
personanan cu tin un cuenta local. Residentenan tin un limite
diario di Afl 1000 cu por ricibi na dolar di ATM den casino.
Casinonan cu ta miembro di AHATA ta den proceso pa
introduci e ATM cu dolars pa por sigui duna servicio optimal

na tur cliente local asina cu casino habri bek. For di diasabra
27 di juni casino tin permiso pa habri porta atrobe.