Page 7 - AB_Neat

Diamars, 1 September 2020 AWEMainta 9

Rocco Tjon, lider di fraccion di MEP:

Fraccion di D66 y PVDA a cuminsa cuestiona e

leynan di consenso y e condicionnan Hulandes

MANERA ta conoci tin negociacionnan andando
entre Hulanda y Aruba pa loke t’e sosten di

likidez. Esaki a pesar cu e Colegio di Supervicion
Financiero (CFT) a conseha Hulanda pa duna
Aruba e fianza. E conseho aki por lesa bek den nan
carta di 24 juni 2020 (CFT202000079) den cual
literalmente nan ta bisa: “Het CAFT adviseert de

RMR over te gaan tot het toekennen van AWG 204
miljoen liquiditeitssteun voor het derde kwartaal”.

CARTA DI FRACCION DI MEP NA 2e KAMER
Siman pasa diabierna fraccion di MEP a dirigi un
carta na tur e lidernan di fraccion di 2e Kamer. Den
e carta aki nos a pidi atencion p’e desaroyo actual
y na mes momento mustranan riba e hecho cu ya

caba tabatin un conseho positivo pa Aruba haya e
fianza necesario.
Tambe nos a trece pa dilanti cu tin otro alternativanan

riba mesa pa yega n’e mesun resultado, segun
splicacion di Rocco Tjon.

PREGUNTANAN DI D66 Y PVDA
Nos a keda satisfecho di por a tuma nota cu,

despues cu e Secretario di Estado siman pasa a
contesta 2e Kamer, ayera sinembargo tin un serie
di 15 pregunta a wordo haci dor di D66 y PVDA

cuestionando e Secretario di Estado.
Entre otro nan ta haci pregunta riba e punto cu
e “Ombudsmannen” a trece padilanti caminda
ta señala cu e condicionnan impone por traha
negativamente riba e economianan di e islanan y

tin consecuencia social grandi.
Tambe nan ta cuestiona e legitimidad di e
leynan, e hecho cu e ta mina e “budgetrecht” di e

Parlamentonan y nan ta cuestiona e autoridad cu e
entidad aki lo haya. Tur e preguntanan por lesa nan
riba e website di 2e Kamer

PA CONCLUI

Rocco Tjon ta bisa cu e ta kere cu ora tur e diferente
organonan consultativo (Raad van Advies) di e
paisnan Caribense, diferente profesor Hulandes

renombra, Parlamentonan di e islanan Caribense
y e Gobiernonan di e paisnan Caribense tur trece
pa dilanti cu e proceso cu e Secretario di Estado sr.
Raymond Knops kier encamina no ta corecto y e
condicionnan ta desproporcional, a bira tempo pa

sr. Raymond Knops reflexiona y dialoga abierto,
sin menaza, pa yega na un solucion realistico.