Page 19 - KPA
P. 19
18 AWEMainta Diahuebs, 14 April 2016
Active Shooter program ta hopi
popular rond mundo
No mester
warda algo
sosode pa
tuma accion
Segun John Larmonie di KPA
CUERPO Policial a haya invitacion di La Cabana Resort
pa bin papia rib’e tema di Active Shooter. E ta un tema
cu tin un paar di luna ta bezig ta tratando pa haci e
comunidad consciente di dj’e.
Segun John Larmonie, di e departamento di prevencion
di crimen, informacion y comunicacion di Cuerpo
Policial Aruba, a cuminsa prome cu tur e hefenan di
siguridad di tur hotel, unda cu nan kier pa cuminsa
pensa rib’e tema.
No ta algo cu a pasa ainda na Aruba, pero e ta algo si cu e
tema mes ta ganando popularidad rond mundo. Ta algo
cu a pasa masha hopi mes na Merca, den e ultimo 15
añanan y e cifranan ta birando alarmante. Sa cu tur loke
ta sosode na Merca, cu tempo ta yega otro regionnan.
Ta hopi cerca, nos ta wordo hopi influencia manera nos
turismo ta bin for di Merca, television tur loke nos ta wak
y por influencia nos poblacion.
Ta hopi importante pa ta al menos consciente di e tema.
Sa ki e peligernan ta, pero tambe cu por cuminsa cu ne
pro activo. No mester warda pa algo sosode pa e ora
bay reacciona.
Mester cumisa traha plannan pa ta prepara y tambe
purba di preveni tipo di incidentenan aki cu lo por afecta
vooral Aruba como isla turistico masha hopi mes.
Larmonie a sigui splica cu tabatin contacto cu e team
di aresto mes cu Cuepro Policial y nan ta haya cu esaki
ta un bon ida. Nan tin training specifico riba esaki y cu
tempo ta haci e parti di conscientisacion. Ta haci tur e
organisacionnan mas consciente di e problema.
Ta encurasha nan pa nan cuminsa traha un plan y ora
cu yega e parti di trahamento di plan, ta caminda cu ta
tuma cotacto cu e team tactico cu si en caso algo asina
pasa den futuro.
“Nan ta esunnan cu tin cu duna response y ta importante
pa semper touch base cu nan p’asina nan meet nan
requirements tambe, pa nan sa kico ta spera ora di yega
y kico ta spera di nan tambe”, Larmonie a splica.
