Page 51 - KPA

Atrobe conocido di Polis hortando den negoshi e biaha aki na
Paseo Herencia

Wednesday, 13 April 2016 21:12
Comparti

Den careda di 7or di anochi doño di un negoshi den Paseo Herencia a yama polis. A splica autoridad cu
tin un homber bruin scur lo a horta den su tienda.
Ora polis a yega a acerca e doño di e tienda y e ta conta polis cu e conocido di polis F Boekhoudt a horta
den su tienda. Polisnan a drenta den accion y a bin topa cu Boekhoudt y ta detene mesora. E tabata un
molester tambe pa e mall. Dogcatcher a wordo pidi pa asina transporta e sospechoso aki pa warda di
Shaba. Diariamente e homber aki ta den noticia. E ta cay sera regularmente of ta causa molester tur
caminda. Mirando cu su cabez no ta 100% cada biaha e ta bay liber. Ta wordo menciona cu e lo tin un
malesa fastioso y pesey mester keda vigile masha di cerca ora di atende cune.

Investigacion Policial na Noord ora a haya bendedora morto
den oficina di number

Wednesday, 13 April 2016 20:43
Comparti

Diaranzon den oranan di anochi a drenta informacion cu tin un persona cu no ta reacciona den oficina di
number na Noord. Esaki ta net dilanti di Giselle. Polisnan di Noord a yega y haya e señora cu ta bende
number benta tras di toonbank. Parce mas trempan nan a haya su falta pero no tabata sa cu e tabata benta
asina den e oficina di number. Mesora Polis a pidi pa ambulance.
Ta trata di e señora A.T. di 56 aña di edad y trahando na Ministerio Publico. E tin un sidejob di bende
number. Mirando e forma cu a haya e señora benta a kere cu ta un crimen por a tuma lugar. Dokter cu a
presenta a constata morto. Recherche tambe tabata tey hunto cu Cuerpo Tecnico. Funeraria a wordo yama