Page 9 - AVB

Recientemente a tuma lugar bautiso di uniform nobo di RCS Racing Club Savaneta

patrosina pa Prime Contractors. E bautisa a ser realisa pa Yee San y Carol pa Prime

Contractors.

RCS ta sumamente contento di den e tempo dificilnan aki toch a logra haya un sponcer pa

uniform pa tur team di RCS y ta gradici Prime Contractors pa e hecho aki. Prime

Contractor di su banda ta contento di por sponcer RCS mirando cu nan tabata buscando

pa sponcer un team den progreso mescos cu e compania Prime Contractor cu ta un

compania di servicio den diferente area y ta un compania cu cada dia ta cresciendo.

RCS tabata tin un tremendo anja futbolistico. Den categoria SUB 11 plata RCS a yega di

tres lugar.Tambe den e grandinan RCS a haci un bon papel. E team di Division Uno a

termina na di dos lugar den su poule y asina a hunga y yega na di cuater lugar den e play-

off. Diabierna anochi ta toca e team di categoria di menor di RCS di hunga e final contra

Britannia.

Pa esaki RCS a gana Bubali 3-1 y tambe RCA 3-1 den su ultimo weganan pa classifica pa

e final. E wega di final ta ser hunga den Centro Deportivo Guillermo Prospero Trinidad

na Dakota y ta cuminsa pa 8.00. RCS ta pidi su fanaticada pa acudi y apoya e equipo den

un bataya final contra Britannia.

http://24ora.com/rcs-ta-bautisa-uniform-nobo-y-ta-classifica-pa-final-di-
categoria-menor-contra-britannia/