Page 36 - AVP
P. 36
E medida cu Gobierno tin pensa pa bini cun’e entrante prome di januari, 2020, cu ta
aumento di e porcentahe di deviezenprovisie, lo afecta tur cos y tur hende, ta e prome
reaccion cu a ricibi for di Director di Aruba Hotel and Tourism Association Tisa LaSorte.
Riba e prome dia di siman a cuminsa circula e informacion cu Gobierno kier aumenta e
deviezenprovisie cu aworaki ta na 1.3% Esaki a bini despues cu diabierna ultimo gremio
comercial a expresa nan preocupacion pa motibo cu no ta hayando ningun informacion di
Gobierno riba e Reforma Fiscal. Despues di e reunion na luna di september, e gremionan
no a scucha nada mas di Gobierno y nan preocupacion tabata cu aña ta cabando y ainda
nada. Nan tin miedo cu Gobierno na ultimo ora ta bini cu algo, sin consulta cu nan, pa
introduci entrante prome di januari, 2020. A resulta cu nan a haya rason tambe ora cu a
bira conoci cu Gobierno a dicidi pa aumenta e porcentahe di deviezenprovincie.
