Page 12 - FLIP

Guyana a prohibi avionnan di Conviasa ateriza na e pais

Publication: Tuesday, 9 June 2015. Categoria: General

ORANJESTAD (AAN): Situacion regional a cuminza bira tenso, ora cu gobierno na Guyana a
dicidi na cancela e permiso pa e aerolinea Conviasa di Venezuela, pa ateriza na e pais.
E accion aki pa colmo awor a laga monton di turista na Guyana, cu tabata cla pa viaha pa
Caracas.
Gobierno di Guyana a laga sa, cu e permiso a wordo suspendi debi cu e compania Conviasa no a
paga e suma cu aerolineanan mester deposita como un sorto di garantia, si acaso nan mester yuda
pasaheronan cu a keda pega atras si acaso e aerolinea stop di opera repentinamente.
E Groundhandler di Conviasa a confirma cu e avionnan no mag di ateriza mas na Aeropuerto
Internacional Cheddi Jagan desde Diasabra anochi caba, y esaki a pone hopi hende keda pega y
awor tin di busca otro forma pa viaha.
E medida aki a bin net awor cu tin tension grandi den e relacionnan diplomatico entre e paisnan
bisiña cu ta reclama mutuamente e soberania di cierto teritorio.
http://www.diario.aw/2015/06/guyana-a-prohibi-avionnan-di-conviasa-ateriza-na-e-pais/