Page 48 - MIN ARENDS

Manipulacion, persecucion y oprecion na ordo di dia
Gabinete Eman bou liderasgo di Eman a percura pa manipulacion na grandi di e
cifranan di nos Pais. Cifra di finanzas publico, cifra di turismo y cifra di

desempleo, tur a wordo manipula of scondi pa asina Pueblo no haya constancia
di e mal maneho cu Mike ta hiba na nos Pais. Banda di esaki Eman y su bende a

percura pa persigui tur hende cu ta pensa otro. No lubida con Baba cu ta
buikspreker di Mike tabata grita den Parlamento cu mester haci Gobierno MEP

Proof. Awor a bay mas leu door di prohibi tur ambtenaar pa expresa nan mes
contra e mal maneho di e Gobierno di AVP durante y despues di ora di trabou.

Di e manera aki Mike via e directornan di departamento di Gobierno kier oprimi
e ambtenaarnan pa nan no reclama of cuestiona e mal gobernacion y
prostitucion di nos Pais door di Mike y su bende. Esaki ta dimas. E wega aki di

silencia hende di e forma aki no ta cuadra den un Pais na unda democracia
mester reina.

Libertad di expresion mester wordo respeta

E circulario aki ta muestra cu Mike y su bende ta bou di hopi presion. Nan ta
perdi y pesey ta recuri na menasa e cuerpo di empleado publico pa asina via

nan e Pueblo en general no haya sa di e abusonan cu su Gobierno a y ta haci
cada dia cu pasa. Pero Pueblo di Aruba no mester sigi permiti e locura peligroso
aki. Nos no por sigi permiti pa Mike oprimi y dividi nos Pueblo asina. Libertad di

expresion ta un derecho fundamental y no por wordo limita djies pasobra cu
Mike a faya den goberna drechi. Libertad di expresion na nos Pais mester wordo

respeta. Pesey dia 22 di September 2017 nos ta urgi e empleado publico pa
manda Mike y su bende, cas cu nan voto contra AVP.