Page 14 - AWEMAINTA

14 AWEMainta Diahuebs, 10 October 2019

Polis a detene chauffeur, pasobra

E no tin rijbewijs y auto no tabatin ni plaachi number

DIARANZON den careda di 1’or y mey di

madruga, un patruya atento a mira un auto
cu no tin plaachi number oficial, pero un pida

carton cu un number scirbi ariba dje.

Mesora nan a para e auto aki na altura
di Subway Paradera. Durante control

nan a confirma cu e auto enberdad cu su
documentonan no tabata na ordo, e auto no tin

un plaachi number oficial y tambe e chauffeur
no tin rijbewijs.

Polis mesora a detene e chauffeur pa core
auto sin rijbewijs y sin documento valido,

transportwagen di Polis a transporta e
chauffeur pa Warda di Polis.

Awe Corte di Prome Instancia

Lo huzga F.M.B. pa maltrato pisa y menasa cu morto

Horario Sospechoso Acto Castigabel

09.00 F.M.B. B. ta wordo acusa di a maltrata un persona gravemente riba 7 di juli 2019, dor di dal e varios biaha cu piedra na su
cabez y scop e na su cabez y curpa.
E ta wordo acusa di a maltrata un otro persona riba e mes fecha aki, dor di pushe cu forza bente abao.
E ta wordo acusa di a destrui auto di un di tres persona riba e fecha en cuestion y di a menaza un di cuatro persona cu
morto dor di tene na su garganta y punta un cuchio den su direccion.

09.30 V.E.J.I. I. ta wordo acusa di a menaza un hende cu morto riba 7 di juli 2019, dor di tire cu boter y core su tras cu un bara di hero.
10.00 A.O.J.R.L. R.L. ta wordo acusa di a intencionalmente planta mata di cannabis riba 7 di juni 2017.

10.30 A.J.M. M. ta wordo acusa di tabatin un plantacion di cannabis den e periodo di 28 di oktober 2018 pa 28 di december 2018.
11.00 D.E.D.O. D.O. ta wordo acusa di ladronicia di cabel di coriente riba 16 di september 2017.