Page 97 - AHATA

COVID-19, un coronavirus cu ya ta presente den 114 pais y a causa morto di mas di
4,200 persona. Ghebreyesus a bisa cu nan a tuma e decision aki debi na su
propagacion mundial.

Ademas, a denuncia “nivelnan alarmante di propagacion y falta di accion” rond di
mundo.

“Pandemia no ta un palabra pa usa di un manera ‘light’ of descuida. E ta un palabra cu,

si wordo usa incorectamente, por causa un miedo irazonable of un aceptacion
inhustifica cu e lucha a termina, loke ta causa sufrimento y morto innecesario”, el a
agrega den su mensahe.

Segun e director general di OMS, “esaki no ta solamente un crisis di salud publico, e ta
un crisis cu lo afecta tur sector, kiermen cu cada sector y cada individuo mester
participa den e lucha”.

Den momentonan aki, varios pais a cera nan scolnan, a prohibi eventonan y a
multiplica restriccionnan di viahe y medidanan pa sostene nan economianan contra
avance di coronavirus, specialmente na Italia, aisla pa di dos dia y na unda cifra di
morto a aumenta den ultimo 24 hora.

Cu scol, restaurant y hasta cinema cera, actividadnan cancela, funeral y bruidnan
prohibi, e bida cotidiano den varios pais a cambia pa via di COVID-19.

Italia, cu 10.149 y 631 morto, ta desde dialuna anochi y por lo menos te cu 3 di April
someti na restriccionnan fuerte bao lema “Me ta keda cas”.

E 60 miyon di Italiano mester a evita sali for di nan cas, sino ta pa traha, bay

supermercado of bay docter. “Nos ta sigui reza na Virgen Maria, sperando cu E por
yuda nos, pasobra mundo ta pasando den momentonan dificil”, segun Mariagrazia
Mazzarotto, un catolico cu no por bay misa pasobra Iglesia a suspende tur misa.

Papa a realiza su audiencia semanal tradicional, pero pa medio di un video difundi
online desde su biblioteca. Plaza San Pedro tabata bashi.