Page 62 - MIN ARENDS 29 JUNE 2017

Angel Bermudez riba CFT: Maneho di Personal di gobierno
ta uno dinamico mescos cu tur otro caminda

Wednesday, 28 June 2017 19:39
Comparti

Tabata tin un conferencia di CFT. Nan a cuestiona Gobierno su tumamente di hende na cantidad den e ultimo
tempo. Minister Bermudez a splica e colegio si supervision, cu e maneho di personal di Gobierno, mescos cu tur otro
caminda, ta un maneho dinamico. Awe bo ta perde dos, mañan bo tin cu busca tres.

Den esey ta keda gewoon activo, pero cu e meta cu segun cu tempo ta pasa, ta baha, ta reduci e cantidad di empleado.
Esey keto bay ta e maneho. Tin un personeelstop en general, pero cu excepcion di e funcionnan cu ta rekeri
educacion mas halto manera HBO, of funcionnan permanente y clave den e departamento cu tin cu wordo ocupa. Si
esey ta e caso ta purba, di por medio di mobilisacion interno, di stimula personanan pa nan cambia di trabao y
cambia di carera, pa asina nan ocupa e puestonan ey. Na final di cuenta, tin cu wak kico ta cuminsa, cuanto ta caba
dun’e. Depende e momento ey kico tabata e resultado di e maneho ey. Juli /Augustus tin atrobe VUT habri y por
mira den e dos lunanan aki diferente hende lo bay haci uzo di dje y consecuentemente ta haya na September, ta haya
un rebaho e ora pasobra diferente hende a sali for di servicio door di VUT.

Baha e cantidad
Segun minister, cierto momento tin cu haci un kerntakeanalyse. Tin cu bay defini kico exactamente ta e tareanan cu
un Gobierno kier ofrece su comunidad. Simplemente pasobra esey ta costa placa. E ora tin cu wak, cuanto placa tin
disponibel, kico ta bo presupuesto realistico y esey basicamente ta e cuadro cu tin cu yena e aparato y e ora ey ta
defini y esey ta e parti politico. Kico ta e servicionan cu bo kier duna bo comunidad, segun minister Bermudez.