Page 3 - KPA 24Jan'15

Pagina 16 Diasabra Januari 24 2015

Huelga na
dump

Trahador di trucknan di
Dump ta hopi rabia y a pone
nan trabao abao! Esaki
pa haya atencion di nan
minister expresando asina
nan malcontento. Despues
di a pone nan trabao abao,
conhuntamente nan a
bay den un caravana di e
trucknan di sushi direccion
pa Bestuurskantoor.

Homber no
kier laga
su ex cu
trankilidad

E homber M, a bay
warda di Polis diaranson
03.15, warda di Polis
na Macuarima pa duna
keho. E ta bisa cu mas
o menos 1.45, el’a bay
cerca su amiga G. cu
ta biba den bisindario di
Brasil y nan tabata sinta
den auto dilanti cas di
G. E ex amigo A. a bin
na e sitio y a cuminsa
busca problema cu M.
Despues A a bay na e
auto y a habri e porta
di auto. Relaciona cu
esey M. a start e auto y
a core bay cu G. Den un
di e bochtnan, el a topa
cu A. den un auto Toyota
Tercel y a blokia e auto
di M. despues el a baha
for di auto ya bay den
direccion di M. A. tabatin
un piedra den su man y
a tira e piedra riba e auto
di M. un Nissan Skyline.

E auto a alcanza e
banda robez di e auto.
Despues G. a baha for
di auto ya bay cas. M.
a bay mesora warda
di Polis pa pidi ayudo.
Polis a bisa M. pa e bay
oficina di Recherche pa
duna Keho. Polis a papia
cu G. na unda el’a duna
su declaracion. Polis
a bis’e tambe pa e bay
warda pa duna keho.