Page 18 - IVA

Drs. Anco Ringeling, Director Di AZV A Anuncia Su

Retiro

 Featured

 Local
- 27/09/2017

Gobierno nobo tin un reto grandi pa cubri gastonan cu ta sigui aumenta di AZV

No t’awor, pero ya caba el a anuncia durante reunion cu e partidonan politico, cu e lo
retira como Director di AZV, asina drs. Anco Ringeling a duna di conoce, despues di a
haci su bishita di consulta na Gobernador Alfonso Boekhoudt.

E proximo Gobierno tin un reto grandi, pasobra e gastonan di AZV ta sigui aumenta y
mester wordo cubri.

E gastonan di cuido ta sigui aumenta, aunke den añanan cu a transcuri tin basta control
riba e crecemento, pero p’e añanan benidero, ta premira cu e gastonan lo sigui aumenta,
pasobra tin iniciativanan nobo. E.o. Hospital Dr. Horacio E. Oduber a keda renoba y
expandi, Imsan unda lo bay desaroya pa duna radioterapia y asina tin mas iniciativanan
nobo cu lo pone cu e gastonan lo aumenta mas cu e añanan cu a transcuri.

Esaki lo nifica cu un di e fuentenan cu ta financia AZV lo mester wordo adapta, segun
drs. Anco Ringeling. Sea t’e prima, e BAZV of e Landsbijdrage di Gobierno. Esaki ta un
decision cu e Gobierno nobo tin cu tuma.

A informa Gobernador di esaki y tambe cu e lo stop di traha cu AZV. Esaki a keda
anuncia prome cu eleccion caba.