Page 25 - IVA

oficialmente pa AZV tur cos a start diabierna, dia 22 di September ora cu AZV a ricibi un

notificacion di Avianca cu pa motibo di un welga di un grupo di e pilotonan di e

aerolinea, AZV lo haya su mes enfrenta como cliente di nan, cu e situacion na unda

varios vuelo lo wordo cancela.

Esey ta nifica cu for di diabierna caba, dia 22 di September, AZV di su banda mester a

busca solucion y loke por confirma ta cu e ta un situacion hopi lamentabel, sigur pa

Aruba, pa AZV su pashentnan, tanto esnan cu ta wardando na Colombia pa bin bek,

vooral e ciudadnan manera Bogota y Bucaramanga, pero tambe tin pashentnan cu tabata

pendiente pa sali. Esaki ta causa cu AZV ta busca solucion. Ta pidi e pashentnan y/of

acompañante social y tambe e famia di e personanan aki, pa por fabor toch carga e

pasenshi. AZV ta bezig, por confirma cu entre tanto ya diabierna a charter un vuelo pa

por a saca cuater pashent y dos acompañante social, pasobra tabata casonan cu a bira

urgente y cu no por warda mas.

Banda di esey, awe tin tambe e confirmacion cu den e siguiente dianan pa e siman aki,

nan lo bay charter tambe un vuelo pa asina por trece pashentnan for di Bucaramanga.

AZV ta bezig. Atrobe, un situacion lamentabel pero no cu no tin mucho influencia riba

dje. For di diabierna, dia 22 di September, a avisa cu tin un welga di parti di un grupo

basta grandi di e pilotonan di Avianca y esaki a resulta pa AZV den e situacion unda cu

tin cu bay wak kico por wordo haci.

Si wak e cifranan, ta wak cu pa luna tin alrededor di 90 pa 100 pashent cu ta sali pa

Colombia y esaki ta referi, si bo wak cu e situacion dura un siman, e lo tin influencia e

ora riba mas of menos un 20 pa 25 pashent, personanan cu e ora ta pendiente y ta haya

molester di esaki, segun Tchong.