Page 8 - MIN ON 17 OCT 2015

AWEMainta Diasabra 17 Oktober 2015 17

Den Cuadro di Luna di Enseñansa

ACE Program ta wordo presenta na
Maria College y Colegio San Nicolas

SIOUXSIE Kock di Heart Centered Leadership Foundation di Aruba

ta trahando pa algun aña caba cu un organisacion partner “Educare
Foundation” di Merca cu ta ofrece e programa yama ACE (Achieve-
ment, Commitment to Excellence).
Na aña 2012, nan a ofrece un curso na 100 hoben cu ta den posicionnan
di liderazgo den comunidad na Aruba y na 2014, como parti di un
proyecto di Hulanda, Kock a organisa e programa aki p›e hobennan
cu ta atende Middag MAVO.
Actualmente, hustamente den Luna di Enseñansa, Ministerio di Ense-
ñasa a mira e importancia pa brinda e programa pa esaki por medio
di Onderwijsfonds, pa por wordo ofrece un biaha mas n›e dos scol
secundario, esta Maria College Middag MAVO y Colegio San Nicolas,
HAVO y VWO.

E programa ta fomenta liderazgo personal, comunicacion y ta provee e
instrumentonan pa crea un consciencia y un conexion interno p›asina
facilita conexion cu otro persona. Durante di e cursonan andando
actualmente, Heart Centered Leadership Foundation ta dunando
training na studiantenan y nan docentenan.
Esaki ta un “fit fantastico” cu e actividadnan pa cu celebracion di Luna
di Enseñansa, Siouxsy Kock ta expresa.
Frank Italic, kende ta na Aruba for di Merca pa yuda den e facilita-
cion di e ACE program ta splica cu e programa ta duna studiantenan
e oportunidad pa berdaderamente desaroya consciencia pa nan mes
y di nan mes y analisa kico t›e factornan y elementonan cu ta stroba
nan pa yega na exito den nan bida.

E meta ta pa nan crea pues consciencia di nan mesun persona y pa
traha rib›e habilidadnan cu ta yuda nan sobrepasa retonan cu experi-
encianan a trece cune, pa finalmente nan por pa nan mes crea un bida
mahestuoso, increibel, feliz y exitoso. Frank Italic ta remarca cu un cos
cu el a ripara den hopi hoben, na Aruba y otro partinan di mundo cu el
a traha, incluyendo Merca, ta cu e ser humano tin e tendencia di crea
muraya y barera cu ta strobe nan den e proceso pa crea conexionnan
autentico y genuino cu otronan. Loke e ACE program ta haci, ta yuda
nan corda con pa construi relacionnan autentico.

Frank Italic ta elabora rib›e topico. Hendenan tin e tendencia di cera
nan mes a consecuencia di experiencianan, nan no ta gusta comparti
nan retonan y ta mustra un banda so di nan mes. Hende ta crea un
front artificial pa mundo tanten cu den realidad tin hopi cos mas tu-
mando luga cu nan lo mustra.
«Pasobra nan no ta comparti nan experiencianan y ta cera nan mes,
cu tempo nan ta sinti soledad y ta crea habitonan cu no ta beneficioso
ni pa nan mes, ni pa nan comunidad,» e ta agrega.
E habitonan aki ta inclui patronchinan di comportacion manera adic-
cionnan cu, den mayoria caso, por ta dañino, manera adiccion na
droga.
E programa cu ta wordo presenta ta fomenta consciencia propio, pa
nan habri nan curazon, siña comunica na un forma efectivo y crea y
desaroya conexionnan y relacionnan interhumano autentico.