Page 11 - LOTTO

E di 31 edicion di e Aruba International Triathlon lo ta
diadomingo awor

Tuesday, 20 June 2017 17:00
Comparti

Diadomingo 25 di juni proximo, Aruba Triathlon Association lo organisa su di 31 edicion di e Aruba
International Triathlon cu lo conta un bes mas cu participacion internacional cu atletanan di paisnan
manera Venezuela, Colombia, Curaçao, Hulanda, Merca y sin lubida nos propio atletanan di Aruba.

Aña pasa e participacion di atleta cu a inscribi pa e evento aki tabata grandisimo y tur cos ta mustra cu
lo supera e cantidad ey, e aña aki. Mester bisa cu por competi riba e distancia Olimpico cu ta 1500 m
landa – 40 km core bicicleta – 10 km core na pia, mientras e distancia di Sprint lo mester landa 750 m –
core bicicleta 20 km – 5 km core na pia. Lo por competi den e categoria Olympic / Sprint Masculino: 16-
19, 20-29, 30-39, 40-49, 50+ Olympic / Sprint Femenino: 16-19, 20-29, 30-39, 40+. E Relay lo ta pa
solamente Olympic Distance. E evento ta programa pa cuminsa pa 6:30 di mainta na Eagle Beach.
Inscripcion solamente via website: www.arubatriathlon.com. Ultimo dia pa inscribi via website lo ta
diahuebs, 22 di juni 2017! Tene bon cuenta cu esaki. Atletanan local ta paga na florin: Sprint AWG. 40,--
Olympic AWG.75, -- Relay AWG. 120 (MESTER ta 3 atleta).

E pago di esaki lo ta na Tulip Restaurant, MVC Eagle Beach: Diasabra, 24 di juni 2017 04:00 p.m. –
06:00 p.m. E deporte di Triatlon a crece na Aruba unda mas y mas hoben como tambe adulto ta practica
e deporte aki considera como un di esunnan mas pisa pa praktica, mirando cu ta tres disciplina den un
deporte. Notabel ta cu e tri-atleta local Renze Postma ta un di e faboritonan pa triunfa den e Aruba
International Triathlon aki. E tres bes Atleta di Aña Local ta den bon forma. Un danki sigur na Lotto, e
Loteria di Aruba pa medio di Comision di Subsidio cu a yuda subsidia e di 31 edicion di e Aruba
International Triathlon organisa pa Aruba Triathlon Association. Cumprando weganan di Lotto, e Loteria
di Aruba bo ta contribui na deporte riba nos isla. Meta di e fundacion ta pa organisa loteria, cambia bida
di su hungadonan y na mes momento inverti den deporte local pa medio di donacionnan na e Comision
di Subsidio.