Page 31 - AHATA

20 AWEMainta Diaranson, 15 Januari 2020

‘Honor to Connor Steelband Extravaganza 2nd edition’

DIALUNA atardi Sweet Pan Music Productions a

presenta den un conferencia di prensa na Charlie’s
Bar den Mainstreet na San Nicolas, e team di Sweet

Pan Music a duna informacion riba e evento cu ta na

caminda, ’Honor to Connor Steelband Extravaganza
edition number 2.

Nico Connor hunto cu rumannan Lee Connor y Eu-
gene Jones, Paula Engelen PR di Sweet Pan Music, e

hoben musico Marver Guedez, Stanley Dabian di De-

partmento di Cultura, y sr. Charles Brouns di Char-
lie’s Bar, a hiba palabra splicando mas di e evento y

invitando e pueblo di Aruba pa asisti n’e evento mu-

sical aki unda lo duna honor n’e pionero numero uno
den musica Steel Pan sr. Edgar Connor (d.f.m.) riba

su fecha natal y tambe celebrando Carnaval su di 66

aniversario den cual durante comienso di Carnaval di
Aruba sr. Edgar Connor a aporta enorme cu su mu-

sica di steelpan.

Charles Brouns y Stanley Dabian ya caba ta premira

cu e evento aki por bira un hopi grandi mes, cu pre-
sentacion di steelbands di exterior, nan ta kere firme-

mente den e proyectonan di Sweet Pan Music y ta
duna sosten n’esaki p’asina hunto por traha pa sigi

mantene y engrandece musica di steelpan aki na Aru-

ba.
Sweet Pan Music ta keda crea diferente plataforma pa

sigi encurasha otro steelbands, steelpan artists y crea

e interes entre hobennan p’e instrumento di steelpan.
Y p’asina sigi aporta na herencia musical di steelpan

y na cultura di Aruba.

Diasabra awor 18 di januari 2020 lo tin diferente

steelbands y artistanan cu lo bay presenta, entre otro
The Boys Pan Experience, hobennan musico Marver

Guedez y Karlson Peterson, studiantenan di Aruba

Panman Foundation, The Aruba Invaders, Cocorico
in Motion Carnival Dancers, y mas.

Lo cera mainstreet dilanti Charlie’s Bar (B v/d Veen
Zeppenfeld Straat) unda lo tin stands di bebida y cum-

inda. Un invitacion ta bay pa henter Aruba pa bin dis-

fruta y duna sosten na nos musica di steelpan durante
e ‘Honor to Connor Steelband Extravaganza edicion

number 2 cu ta cuminsa pa 6or di atardi y lo termina

pa 10 di anochi. Entrada ta completamente gratis!