Page 42 - AHATA

Wever: A ofrece sindicatonan 30 florin

envez di 101 pa indexering

Posted on 11/18/2019 4:39 pm AST | Updated on 11/18/2019 5:44 pm AST

ORANJESTAD – E unico espacio cu gobierno di Aruba tabatin den presupuesto
2020 pa sindicatonan cu kier indexering, ta 30 florin, envez di e suma original di 300
florin extra pa luna, cu despues sindicatonan a baha te na 101 florin. Sindicatonan
mientrastanto ta sinta den nan seno dialuna pa dicidi riba e oferta. Premier Wever
dialuna mainta a mustra cu nan mester a evalua e situacion financiero di 100 mil
hende contra 5 mil empleado publico. Y asina nan a bin logra haya e suma aki di 30
florin cu nan ta spera cu sindicatonan lo acepta.

ULTIMO OFERTA

Manera cu Noticiacla.com a raporta caba diabierna, sindicatonan a sinta cu gobierno y a
haya e oferta y a mande pa nan miembronan pa asina wak kico nan ta bisa. Ademas nan a
hinke den un forma cu e miembronan ta compronde con e ta ‘afecta’ nan salario y bida.
Esey no ta cla ainda y ta premira cu pa awe dialuna, esey mester bira mas cla. Gobierno a
bisa repetidamente cu no tin placa awor, pero a ofrece alternativa pa por toch yega na
algo pa e sindicatonan.