Page 3 - UTILITIES

AWEMainta Dialuna, 23 October 2017 5

Durante ATECH Conference

N.V. Elmar ta sostene

desaroyo den tecnologia

y inovacion cu Tech

Playground, PL<Y

DIA 27 y 28 di october lo tuma lugar e grandioso
ATECH Conference, unda cu Aruba lo ricibi bishita
di oradornan internacional cu lo comparti nan idea,
pensamento y experencia riba diferente area di tec-
nologia, entrepreneurship y inovacion. Durante e
conferencia tin un seccion completamente destina pa
‘developers’ y ‘innovators’, patrocina pa N.V. Elmar,
unda cu por wak con innovators ta desaroya diferente
tipo di tecnologia. No solamente bishitantenan por
wak, pero tambe por desaroya conhuntamente cu
tur compania presente. N.V. Elmar ta sumamente
impresiona cu iniciativanan manera ATECH y Tech
Playground, unda conhuntamente cu Brenchi’s Lab
ta stimula mas hende pa desaroya tecnologia y alabes
comparti conocimento y practica. Pa e motibo aki
N.V. Elmar ta demostra su sosten y respaldo na AT-
ECH su Tech Playground, PL<Y.

N.V. Elmar y Inovacion
N.V. Elmar ta un compania estatal cu ta conoci pa
distribucion di coriente, pero durante e ultimo añanan
ta dedica na crea productonan nobo y tambe redifini
eficiencia den energia y consumo. N.V. Elmar reci-
entemente a lansa Smart Pre-Paid Meter unda cu
meternan pre-pago di cas por comunica cu e sistema
di N.V. Elmar y di e manera aki haci’e posibel cu usu-
arionan pa medio di nan telefon of tablet por controla
y coordina nan propio consumo di coriente. Esaki
sigur ta un inovacion remarcabel. Un otro proyecto
pa stimula inovacion y sostenibilidad den nos comu-
nidad t’e impactante E-TREE. Esaki ta un structura
conoci como un “Solar Artwork” cu den e caso aki ta
den forma di nos Fofoti, unda e foyonan ta den forma
di panelnan solar. Na e E-TREE por sinta relaha y
na mes momento recarga telefon. Actualmente tin 3
E-TREE, na San Nicolas banda di Oficina di ATA,
Plaza Padu, y na yegada di crucero.

EV Charging Station
Por a tuma nota for di algun tempo cu N.V. Elmar
ta stimula uzo di Autonan Electrico. A desaroya
un EV Charging Station na Elmar Hato, unda cu
doñonan di auto electrico por recarga nan vehiculo
den un tempo hopi liher. Durante ATECH su Tech
Playground conoci como ‘PL<Y’ bishitantenan por
bishita booth di N.V. Elmar pa ricibi mas informacion
tocante desaroyo di tecnologianan nobo den energia.
N.V. Elmar ta orguyoso di por forma parti di un
conferencia renombra, ATECH, y na mes momento
contribui cu Tech Playground, PL<Y.
Pa mas informacion encuanto tickets y schedule di
e conferencia por bishita www. atechconference.com
of bishita Co.Lab Workspace na Dakota.