Page 27 - MIN.TTC 14 OCT,2015

DTP a gara otro taxi pirata na
Aeropuerto
Tuesday, 13 October 2015 21:54
Comparti

E fenomeno di taxi pirata keto bay ta masha popular, awor hasta bou di ciudadanonan stranhero. Nan ta
opta pa nan mes hiba y trece nan paisanonan, cobrando menos di locual taxistanan ta cobra.
Awe mainta Departamento di Transporte Publico a gara un auto marca Ford color blauw cu number A-
38713. El a caba di baha pasahero na aeropuerto, cu a confirma na DTP y Polis cu nan a paga e chauffeur
pa e servicio.
Pa casualidad e chauffeur mes, di habla spaño, no por a demostra ningun papel di e auto pa prueba cu e ta
di dje. Tampoco e por a mustra documentonan pa prueba su estadia legal riba nos isla. Cu e realidad ey
presente, Polis di Grensbewaking di Aeropuerto hunto cu DTP a opta pa wanta e auto den beslag te ora
por mustra papelnan. Tambe a keda di atende cu e chauffeur pa e mustra su permiso di estadia y trabou,
sino lo pas'e pa Warda nos Costa pa deportacion.
Polis a keda di traha un Procesverbaal mesora relaciona cu transporte ilegal di pasaheronan den un auto
cu no tin permiso pa haci tal.

http://www.24ora.com/policial-mainmenu-8/100701-dtp-a-gara-otro-taxi-pirata-na-aeropuerto