Page 13 - MIN ON 18 NOV 2015
P. 13
AWEMainta Diaranson, 18 November 2015 25
Santa Rosa hunto
cu stagiaire
bishitando algun
productor local
RECIENTEMENTE Departamento di Agricultura, Cria
y Pesca Santa Rosa tin un stagiaire na nan deparamento.
Srta Julika Thijsen, kende ta bishitando Universidad di
Aruba cu ta studiando p’e parti di Facilty of Hospitality &
Tourism Management Studies (FHTMS). Como studiante
di Universidad di Aruba srta. Julika Thijsen ta preparando
su tesis final. Topico di su tesis ta “Consumers Intention
toward Organic Food Purchase”. E tesis aki su punto di
consentracion ta p’e edad entre 18 pa 30 aña.
Durante di nan ultimo Mercado Santa Rosa, srta. Thijsen
a cuminsa haci su research caba riba e tema aki. Tur esnan
cu ta den e periodo di edad riba menciona tabata wordo
aserca p’asina participa den e encuesta. E siman aki a planea
un bishita na algun di nos productornan local p’asina srta.
Julika Thijsen por a haci su bishita hunto cu Santa Rosa pa
continua cu su research. El a wordo compaña pa sra. Nathalie
Maduro, Directora di Santa Rosa p’asina sera conoci mas
kico tur ta wordo produci na Aruba y haci su preguntanan
pa su tesis final.
Preguntanan cu a wordo haci ta; Ki metodo e cunukerona
ta uza ora di planta fruta of berdura? Esaki ta organico of
tradicional; Ken ta nan mercado? Supermarket, Restaurant
of directo na clientenan? Ta haci uzo di mercadeo y/of
anuncio pa por bende nan product? Si t’asina ta haci uzo di
FB, Corant, Radio of TV. Srta. Julika Thijsen a scoge e tema
aki pa su research pa motibo cu ultimamente den noticia
internacional tin hopi discusion riba cuminda procesa of
modifica.
Esaki ta malo pa salud humano of no? Esaki ta posee di
un studio clave of exacto riba termino largo riba tipo di
cumindanan asina pa persona. Tambe si e lealtad di e
consumindornan a baha y ta mas alerta via medionan social
unda e informacion ta aceso. Dor di esaki e kier tin un
bista con hopi persona na Aruba ta interesa of sa den come
cumindanan organico y si e boluntad ta existi. Wak tambe
e concientisacion riba e diferencia di cuminda organico y
cumindanan conventional den e consumidornan na Aruba
entre 18 cu 30 aña.
Esnan cu a wordo bishita riba e mainta aki ta sr. Jimmy
Ramos kende ta plantando “Pitaya”. Sr. Gregorio Wolf cu ta
planta tradicional y tambe ta cria bestia entre otro Cabrito,
Carne, Pato y Avestrus. Sigui pa sra. Paola Kock kende tambe
ta planta varios berdura y tambe ta cria bestia manera Baca,
Porco y Galiña. E bishita a finalisa na Plantacion D’abaru
di famia Kelkboom na Bloemond. Di parti Santa Rosa nos
gradici tur esnan cu nos a bishita p’asina duna nan aporte
n’e tesis di srta Julika Thijsen. Tambe nos ta desea Julika
hopi exito cu su studio na Universidad di Aruba.
