Page 68 - MIN ON 18 NOV 2015

Capello Rector di Colegio ta bolbe pega otro
barco!

Posted on 11/18/2015 10:57 am AST | Updated on 11/18/2015 11:11 am AST

ORANJESTAD – "E homber ta pega otro barco!". Asina docente di Colegio Arubano
Alfredo Capello a bisa NoticiaCla.com diaranson mainta. Un biaha tin problema na
Colegio Arubano entre e rector di e scol Hans Timmermans y e docente. E biaha aki cos a
bay dje lew cu e rector a prohibi entrada di Capello riba tereno di Colegio Arubano. Esaki
pasobra Capello lo a ‘menasa’ e rector cu morto, den un forma indirecto. Esey tabata
suficiente pa e rector tuma e paso di ‘ontzeg’ entrada na Capello. E docente en cuestion
(Capello) fuera di a confirma na NoticiaCla.com cu e no ta permiti pa subi tereno di
Colegio Arubano, tabata hopi corto den su reaccion. “E homber ta pega otro barco!” Mas e
no kier bisa awor, pasobra e caso ta den man di abogado.

MENASA CONTRA RECTOR

For di fuentenan serca di e rector na Colegio, NoticiaCla.com a haya confirmacion cu Capelo a
menaza Timmermans cu morto. “Pero no direct . El a bisa esey na un colega , y e colega ey a bai
bisa Timmermans” e fuente a confirma na NoticiaCla.com. Rumornan cu Capello lo a wordo
retira tambe, a keda desmenti si. “E no a wordu kita . E no mag subi tereno di Colegio y nan a
kita su taak uren pa organiza project reis”. Oficialmente Capelo a tuma su retiro entrante 1 di
januari proximo , pero e ta tuma su compensatie dagen awor aki . “E no ta duna les mas . Mihor
bisa e tawata cu vakantie, Pero awor e no mag subi tereno di Colegio” e fuentenan a sigui bisa.

CONTACTO CU RECTOR Y CAPELLO

For di diamars anochi NoticiaCla.com a busca contacto cu e rector Hans Timmermans (cu ta den
exterior) pero e no a contesta nos yamada y email ainda. E docente en cuestion Alfredo Capello
tambe ta den exterior pero e si a reacciona, aunke ta breve. Pa loke ta e cargonan, fuentenan di
NoticiaCla.com a confirma cu Timmermans a haci e participacion di e ontzegging na Capello
durante un reunion reciente na e staff, pues tur ta na altura di e informacion aki mientrastanto.