Page 13 - AM230811

Diabierna, 11 Augustus 2023 AWEMainta COMUNIDAD 13

RCC Aruba ta lansa un show sensacional di circo y rock ‘n’ roll

iaranson, 9 di augustus, RCC Aruba

D(Rhythms Circus Company) a estrena un
show completamente nobo y hopi anticipa na
e publico di Aruba. E grupo local, conoci pa
nan shows semanal di baile y acrobacia, a lan-

sa un experiencia cu ta combina nan talenton-
an den e mundo di circo cu canticanan ener-
getico di rock ‘n’ roll cu nos tur conoce: Thun-
der Rock Circus Show.

Ayera tabata un anochi excitante, unda cu RCC
a captiva e audiencia pa prome biaha cu nan
trikinan nobo y espectacular, lagando e publico

cu nan curason ta bati di emocion. E grupo di
artista ta sumamente contento pa anuncia cu
Thunder Rock Circus Show lo ta tur diaranson
cuminsando 7or di anochi na Paseo Herencia

Ballroom (D&Y Cabaret). E experiencia aki ta
uno completamente diferente di nan Cinema
Stars Live Show cu ya pa un tempo caba nan
ta presenta tur siman.

RCC Aruba ta conoci localmente pero tambe
mundialmente pa nan logronan increibel den e
mundo di circo. E grupo a representa Aruba na

un nivel internacional y a gana varios premio
y reconocimento pa nan talento y profesion-
alidad. Nan a presenta riba e scenarionan di
mas grandi y popular, manera America’s Got

Talent, Budapest Circus Festival, Hippodrome
England, y hopi mas. Pero awo nan ta bek riba
nos ‘One Happy Island’ pa sigui demostra nan
arte localmente.

No faya e oportunidad pa experiencia Thunder
Rock Circus Show tur diaranson of Cinema
Stars Live Show tur diabierna. RCC ta duna un

prijs special na tur local di solamente AWG 35
pa cada entrada. Tur reservacion por wordo
haci directamente riba nan website www.
rccaua.com, unda cu tambe tin mas informa-

cion di cada show. RCC ta conta cu e apoyo di
pueblo pa nan por sigui desaroya nan talento
y destaca internacionalmente mientras nan ta
representa nos isla chikito den exterior; refor-

sando e concepto cu Aruba, maske chikito, tin
un abundancia di talento pa ofrece.

Pa mas informacion, por follow RCC riba

Facebook, Instagram, Tiktok, of bishita nan
website na www.rccaua.com.