Page 2 - Awemainta

2 AWEMainta Diamars, 26 Januari 2016

Awe y mañan

Minister di Defensa,
Jeanine Hennis-Plasschaert ta haci

bishita di trabao na Aruba

MINISTER di Defensa, Jeanine Hennis-Plasschaert ta haci un bishita di trabao awe y mañan

na Aruba. Defensa, representa pa Commandant Zeemacht den Caribe, ta un partner masha
importante pa cu seguridad di e islanan di Reino Hulandes.

E mandatario lo atende un training masha grandi, den bon por duna yudanza, y banda
di esaki, e Minister lo hiba deliberacion cu autoridadnan local.

Awe diamars, Minister di Defensa, Jeanine Hennis-Plasschaert ta huesped di
Mariniers Kazerne Savaneta y abordo di e fregata Zr.Ms. De Zeven Provinciën,
ta unda lo tin e scenario pa brinda yudanza na un calamidad natural.

Esaki ta un di e tareanan principal di Ministerio di Defensa den Caribe.
Asina p.e. e barco di sosten Zr.Ms. Pelikaan na september 2015 a yuda den
transporta un cantidad di merancia y tambe personal pa yuda Dominica,

despues di a keda azota pa horcan Erica.

Tambe Marina Real ta masha activo den combatimento
di transportacion ilegal di droga. Asina p.e. aña pasa
barconan di Marina Real a intercepta como 11.500
kolo di droga.

Esaki a tuma lugar den estrecho colaboracion cu
Guardacosta di Caribe Hulandes, y tambe cu
sosten di e organisacion multinacional den com-
batimento di droga cu ta opera for di Key West,
Florida.

Minister Jeanine Hennis-Plasschaert lo reuni
cu Gobernador Freddy Refunjol y lo hiba
combersacion tambe cu Prome Minister
Mike Eman, cu Minister di Husticia, mr.
drs. Arthur Dowers y cu Minister di Fi-
nanza, mr. Angel Bermudez.

Hunto cu e autoridadnan local, e manda-
tario Hulandes lo atende un demostracion
na KIA, unda tin preso cu a huy, pero cu nan
a logra detene finalmente.

Den e dos demostracionnan cu lo tin, lo ta compaña
pa huma y masha desordo.