Page 34 - Flip Min.jus

E procesverbal di polis cu huez a tuma su debido tempo pa repasa a mustra tambe cu M. a wordo
acusa di, conhuntamente cu un otro of otronan, ladronicia di un auto riba 17 di september 2013 y
di ladronicia di un auto cu number D den e periodo di 1 pa 4 di november 2013.

Varios acusacion mas tabata tin den e procesverbal y huez a tuma full Diabierna pa repasa esaki.

Segun O.M, e grupo aki tabata uza un ‘garage’, cu ta un pida tereno cera, pa desmantela e
autonan di biaha despues cu nan horta esakinan.

E garage aki ta situa den Golfweg na San Nicolas.

Den cercania di e pida tereno aki, a haya un cantidad grandi di autonan horta, di cual varios pieza
a wordo kita.

Locual ta wordo hasi exactamente cu e piezanan no tabata full cla, pero polis a logra haya sa di
un lugar di warda pertenencianan (‘opslagplaats’) den Cayenne Mall riba nomber di un di e
sospechosonan y eyden a topa cu varios pieza di autonan horta.

Fiscal riba 4 di Maart a exigi contra G.V.K. 38 luna di cual 10 ta condicional y Diamars huez a
dune 24 luna di cual 6 luna ta condicional.

Contra E.J.A. fiscal a exigi 48 luna di castigo y huez a dune 24 luna.

Despues cu fiscal a exigi contra R.A.R un castigo di 40 luna, huez a declare liber di tur
acusacion.

Contra S.M.G fiscal a exigi 6 aña di castigo y huez a condene na 24 luna.

Contra L’J B. fiscal a exigi pa e hasi 200 ora di trabao, pero huez Diamars a declare liber di tur
acusacion.

E exigencia di castigo contra J.A.H tabata pa e hasi 80 ora di trabao comunitario y huez a bay di
acuerdo cu esaki.

Fiscal a exigi contra R.A.M un castigo di 2 aña y huez a duna unn castigo igual na e tempo cu el
a sinta caba den detencion preventivo.

E exigencia di castigo contra K.C.L tabata un castigo igual na e 49 dianan cu el a sinta caba den
detencion preventivo y huez a bay di acuerdo cu e exigencia ey.

http://www.diario.aw/2015/03/dos-sospechoso-den-caso-grandi-di-hortamento-di-auto-declara-liber/