Page 34 - MIN JUS

4 AWEMainta Dialuna, 25 September 2017

Mirando cu nos a drenta caba den era di digitalisacion

Proximo eleccion tambe mester bay digitalisa

SI tuma na cuenta, cu hopi hende a bay drumi diasabra madruga,
asina ainda a mira e dos ultimo urnanan electoral cu ta falta,
bo ta puntra, si pueblo merece di sigui cu e sistema antigua aki.
Tabatin masha critica riba e forma cu eleccion a keda organisa
e biaha aki, pa cual Hefe di Censo, Sharine Luydens tambe a
comparti e opinion aki, cu e sigur no kier organisa un proximo
eleccion di e forma aki.

Sra. Luydens a laga sa bon cla, cu e proximo Gobierno mester
haci e cambio y stop cu e sistema di papel y potlood. Nos ta biba
den un mundo digitalisa anto pakico no practica esaki tambe
den eleccion.
Tabatin masha critica tambe, pa cu nos hendenan grandi, unda
tabatin varios Presidente di Urnanan Electoral, hasta a “maltrata”
nan, alegando cu nan mester por sa cana, si nan ta lam. Cu nan
mester por papia, si nan ta mudo.

Tabatin hasta un caso unda un votador tin Parkingson, y como tal
ta tembla y dificilmente e por yena su voto y mester di yudanza,
pero e Presidente di dicho urna a haci masha dificil e.o. a pidi
dicho persona pa scirbi nomber di e persona cu e kier pa vota p’e.
Si marca mes ta dificil, corda pa scirbi un nomber y asina por
sigui, pero segun Hefe di Censo, ley ta haci’e dificil p’e hendenan
aki. Ta di spera cu lo bin cambio p’e proximo eleccion.

Awor kico a causa cu e dos ultimo urnanan mester a tuma tanto
tempo pa conta, siendo cu for di 7 or di anochi, a sera tur urna,
nos no a haya splicacion ainda. Pero esaki no ta sistema.