Page 21 - DJALUNA 25 YUNI 2018.pdf

Djaluna 25 Yüni 2018 21

MUNDU DEPORTIVO

Willemstad
kampion invikto
di 3er divishon
WILLEMSTAD.- E ekipo
di Willemstad a titulá
kampeon di 3er divishon
di futbòl nashonal Liga
MCB 2018. Esaki nan a
logra ganando di Caribbean
International University
(CIU) den dos wega di
final. E promé partido a
kaba ku skor di 3-1 i den e
di dos e ekipo di Kintjan a
bolbe gana, e biaha’ki 2-1.
En total e ekipo a logra 10
viktoria di 10 partido. Un
trabou hopi meritorio sigur
di e muchanan di Willemstad
huntu ku nan entrenadó Ron
Sheotahull i asistente Philip
Chapman pa konkistá e título
di 3er divishon den un forma
inpekabel. Ku e viktoria, e
ekipo ta promové pa 2da
divishon di sekshon amatùr.
Di parti Mundu Deportivo
ta felisitá e organisashon
kompleto di Willemstad, pero
sigur e lider di e parti hubenil
ku ta Dion Laufer kende a
lucha ku e hóbennan durante
hinter e temporada aki.