Page 18 - UTILITIES MACRH 2,2016

Djarason 2 Mart 2016 3

...15 megawatt a kai
afó ayera anochi...

AQUALECTRA
NO TA HAÑANDO
NADA DI BOO

WILLEMSTAD. - Ayera
anochi un biaha mas vários
bario di Kòrsou tabata sin
koriente. Esaki despues ku
mashinnan di Mundu Nobo
a kai afó.Den deklarashon
pa redakshon di EXTRA,
Bosero di Aqualectra sra.
Sharo Bikker a duna di
konosé ku e mashinnan na
Mundu Nobo a kai afó, loke
ku a pone ku hopi bario a
keda sin koriente.

Konforme sra. Bikker
su deklarashon t’asina
ku masha dia nan di
Aqualectra no a haña nada
di BOO, pues nada nada di
koriente.

Esaki ta pone ku
Aqualectra tin di drai riba
su reserva ku e mashinnan
ku tin na Mundu Nobo.

E mashinnan di Mundu
Nobo tabata suministrando
koriente, pero diripiente e
machinan aki a stòp, loke
ku a pone ku den un fregá
di wowo 15 megawatt a kai
afó.

Vários bario a keda
afektá, manera bario nan
di Brievengat, Mahaai,
Sta. Maria, Mundu Nobo,
Amerikanenkamp, ta bario
nan ku sigur koriente a bai
ayera anochi.

E echo ku e mashinnan
ku a kai afó na Mundu
Nobo, no a duna niun klase
di atvertensia kiko ta bai
pasá, a pone ku den un
forma kouteloso a kuminsá
traha riba e mashinnan.