Page 67 - KPA

Algo pasa di 10.30 diasabra anochi, patruya di Santa Cruz y Polis di trafico a ser dirigi
riba e caminda di Tamarijn caminda a sosode un accidente. Na yegada di patruya a bin

topa cu e accidente entre un Honda Accord blanco numera A-66576 y un Kia Rio color

blanco A- 46227. Tambe tabata envolvi un Chevrolet Trail Blazer blauw cla numera A-

64502. Polis di trafico a bay chek exactamente kiko a sosode. A bin saca afor cu e

chauffeur cu e Honda Accord biniendo for di zuid bayendo noord tabata pasando auto y

na dado momento trafico contrario tabata biniendo y e Honda no por a haci nada y a dal

semi frontal cu e Kia Rio su tras. E chauffeur cu e Chevrolet a pega tras di e Kia. Danjo

material tabata grandi. Ambulance a ser pidi na e sitio pa asina duna asistencia na e dama

di e Honda. Un rato despues polis a detene e dama bay cune warda pa sigui e proceso di

test pa alcohol.