Page 4 - AWM 12MAY2018

4 AWEMainta Diasabra, 12 Mei 2018

Chauffeur di bus a comete

“hit & run” bou influencia

DIABIERNA algo pasa di mey anochi central di
polis a wordo informa, di un caso di hit and run
cu a sosode, segun e informacion cu a drenta, na

altura di Costa Linda.
Mesora a manda un patruya, paso tawata trata

di un Autobus B-23. Esey no ta tur, chauffeur di
e autobus tawata bou influencia, y tawata tin 10
persona abordo.

Esnan cu el a dal, cu tawata un Jeep v-car di e com-
pania Royal Car Rental a sigui tras di e bus. Dilan-

ti cas di partido Avp, polis a logra para e vehiculo
aki. Mesora a constata cu e chauffeur tabata bou
influencia di un of mas substancia. Agentenan na e

sitio siguiendo protocol, a pidi pa trece un Alcohol
Sensor pa test e chauffeur. A pone supla, y e no ta
pasa e test. Transportwagen a yega y nan a hink’e

aden y hibe warda di polis.
E homber aki, manera tur hende presente por a
constata, no tawata apropia bisti pa trata cu pasa-

hero.
E motibo tawata cu su carson tawata parcialmente

baha y por a wak su parti intimo. Hopi biaha e bus-
nan ta yen y pasaheronan lo mester a sinta banda
di e homber aki dilanti.

Na e sitio polis a constata cu e bus ta na su nomber
y cu e ta naci na Venezuela, pero aparentemente e

tin paspoort Hulandes. Cargonan cu e chauffeur lo
haye cun’e ta hit and run, core auto burachi, trece
bida di 10 pasahero na peliger, y trece bida di otro

hende ariba caminda na peliger.
Momento cu transportwagen a sali cun’e, un otro
persona cu tawata bezig ta train pa e Ronde Van

Aruba, a yega y bisa polis cu e Autobus aki a hera
dal’e. Loke a pasa akinan ta algo hopi lamentabel,
mirando bida di cuanto hende inocente cu a caba

di traha cu el a pone na peliger.