Page 2 - AWEM 210515

2 AWEMainta Diahuebs, 21 Mei 2015

Aparentemente bulando mesun ruta di e avioneta tumba banda di Aruba

Un avioneta procedente di Venezuela persigui pa
Fuerza Aerea Colombiano a cay banda Puerto Velero

A haya e capitan cu un pasaport Mexicano

AYERA tempran e noticia a plama cu un avioneta

cu droga lo ser tumba abao na Puerto Velero na De-
partamento Atlantico, Colombia. E avioneta aki, tipo
HAWKER 800 lo a ser tumba abao, pa Fuerza Aerea
Colombiano, cu a bin ta persigui e avioneta aki, asina
cu el a drenta espacion aereo Colombiano.

Ora cu lesa e informenan aki, e ta pone nos corda
riba e caso di e avioneta cu a ser tumba abao den of
no, espacio aereo di Aruba, sin cu nunca mas a tende
di e investigacion. E avioneta lo ta ainda den fondo
di laman y aki tambe a ser menciona cu e avioneta lo
tabata transporta droga pa Mexico y cu e pilotonan
tambe ta Mexicano.
Den e caso aki, di acuerdo cu publicacionnan for di
Colombia, autoridadnan Colombiano a bin haya parti
di un avioneta cu lo a sali for di Venezuela rumbo
pa un pais Centro Americano. E avioneta aki, tambe
tabata transporta droga, segun Armada Colombiana.

«E aeronave, tipo HAWKER 800, a keda detectada den
madrugada di ayera dor e sistema di Defensa Aérea
Nacional de la Fuerza Aérea Colombiana, ora cu esaki
a drenta espacion aereo Colombiano den forma ilegal
y a haci intento di efectua un aterrizahe na Aeropuerto
di Santa Marta», segun un comunicado di Armada.
Según e institución, el aparato a accidenta den e
municipio di Puerto Colombia, na Departamento di
Atlántico y a ser haya pa unidadnan di Estación di
Guardacosta di Barranquilla.

E prome investigacionnan ta apunta cu e aeronave
ta empleada pa tráfico di drogas, ya na lugar di e
hechonan a haya un cantidad di aún indetermina di
pakete di droga. .
Unidad di Guardacosta a haya tambe un curpa sin
bida di un homber sin identifica ainda, pero den su
poder a haya un pasaporte Mexicano.