Page 22 - MIN SOC 7 MAART 2016

19 candidato pa posicion di Director pa Asuntonan Social

Sunday, 06 March 2016 18:18
Comparti

Un total di 19 candidato a manda un aplicacion pa e posicion di director di Asuntonan Social. Minister
Paul Croes a anuncia e vacatura aki den luna di januari ultimo na momento cu e directora anterior a bay
cu pensioen. E Minister di Asuntonan Social a scoge pa un proceso habri pa asina por haya un candidato
apto pa dirigi e departamento importante aki.

Ta trata di un departamento cu ta brinda e servicionan social manera bijstand, apoyo na famianan, ayudo
psicologico, cooperacion cu fundacionnan y algun servicio mas. "Mi ta considera e departamento aki uno
sumamente importante pa e ayudo social cu nos comunidad mester. Ta trata di hendenan cu limitacion,
personanan financieramente vulnerabel, famianan cu problema social, hoben y muchanan cu mester
ayudo tur e servicionan aki ta wordo brinda pa e departamento aki.”
Banda di e nombracion di un director tin algun otro desicion tambe cu Minister Croes kier pa wordo
ehecuta den corto tempo. “Entre esakinan ta e renobacion di e edificio San Nicolas y tambe mas dilanti e
apertura di un oficina na Paradera," asina Minister Paul Croes a mustra.
Awo ta sigui un proceso unda cu lo escoge entre 5 y 7 candidato pa e siguiente ronde. E candidato nan aki
lo pasa un proceso di screening y tambe solicitud. Finalmente Minister lo keda presenta cu 3 candidato
pa asina haci un escogencia final. Minister Croes a urgi e comision encarga pa haci e proceso uno
diligente. Mientras tanto e departamento ta conta cu e directora adjunto pa asina guia e departamento.

http://www.24ora.com/politica-mainmenu-18/106053-19-candidato-pa-posicion-di-director-pa-
asuntonan-social