Page 26 - AWEMAINTA

26 AWEMainta Dialuna, 16 Juli 2018

Deporte

Ultimo oportunidad pa registra:

Always ta presenta su Prome Girls’ Soccer Camp

E marca di producto femenino Always y su distribuidor na

Aruba, Compra Ltd hunto cu ASA-Aruba Soccer Academy ta

organisa e prome Always Girls’ Soccer Camp, un iniciativa pa
encurasha muchanan muher na Aruba di 6 pa 16 aña pa purba

un deporte nobo of perfecciona nan tecnica di futbol.
E iniciativa aki ta parti di e programa di Always yama

#LIKEAGIRL, cu ta motiva muchanan muher pa sinti comodo

cu nan mes y e hecho cu como hende muher bo por logra cu-
alkier meta cu bo pone bo dilanti cu pasion, determinacion y

esfuerso.

E Soccer Camp ta exclusivamente pa mucha muher di 6 pa 16

aña y ta tuma lugar awe dialuna 16 & 17 di juli na Centro De-
portivo Franklin Bareño di 8am pa 12pm. E camp ta conta cu

participacion di coachnan certifica di ASA-Aruba Soccer Acad-

emy. Tur mucha muher cu registra ta ricibi nan t-shirt dry fit di
always, nan certificado, refreshments, fruta y un goody bag cu

otro productonan di P&G manera Herbal Essences y Secret.

Ainda tin algun cupo pa participa, por registra na 592-5235 of
bishita e pagina di Facebook di Always Aruba pa mas informa-

cion.

Always kier a gradici directiva di Britannia y Centro Deportiva

Franklin Bareño pa nan contribucion n’e camp aki y tambe na
ASA cu pa añas caba ta promove futbol cu un team di muchanan

muher local, cultivando nan talento y pasion pa futbol.