Page 19 - DESPA 19 JUNE 2017

28 AWEMainta Dialuna, 19 Juni 2017

Specialmente pa Dia di Tata

Desayuno saludabel pa personal di Ambulance
Minister dr. Alex Schwengle reconociendo e heroenan di tur dia

RELACIONA cu celebracion di Dia di Tata diadomingo, te-

niendo cuenta di e trabou ocupa cu nan tin tambe, Minister di
Salud Publico, Cuido di nos Grandinan y Deporte, dr. Carlos
“Alex” Schwengle, a pasa bishita e heroenan di tur dia na IMSan,
na Servicio di Ambulance.
Na prome luga pa yama nan danki p’e bon trabou cu nan ta
desplega y na di dos luga pa felicita tur e tatanan riba nan dia.
Pa esey e mandatario a trece un desayuno saludabel pa tur, algo
cu nan a aprecia masha.
E nursenan a probecha e desayuno den pura, pasobra un rato
despues a bira ocupa y ambulancenan mester a sali mesora pa
casonan di emergencia.
Minister dr. Schwengle a subraya cu mamanan ta hopi importante,
pero tata tambe.
“Traha yiu ta un cos, esey no ta haci Bo tata, cria un yiu... esey ta
e tata. Tata ta esunnan cu t’ey tur dia pa nan yiunan y dunando
bon ehempel pa sigui rib’e bon caminda den nan bida”, asina e
mandatario a duna di conoce.