Page 16 - AWEMAINTA-EDITION-2305

Dialuna 23 Mei 2022

Patrick Werleman re-eligi como Presidente di e

Caribbean Regional Anti-Doping Organization

atrick Werleman di Aruba a ser re-eligi
Pcomo Presidente di e Caribbean Regional
Anti-Doping Organization. Patrick Werleman
su candidatura no a wordo oponi durante e
Reunion General Anual 2022 cu a tuma lugar
na Corsou.

Werleman a expresa su gratitud na tur
miembro pa pone confiansa den su persona
pa un 2do termino, particularmente despues
di e impacto negativo cu Covid-19 a hasi riba
e programa Anti-Doping den Caribe.
El a sigui agrega cu su focus pa e siguiente tres
aña nan lo ta un mihor comunicacion entre
varios stakeholders prominente y un como
tambe un mihor desaroyo di programa anti-
doping pa e paisnan miembro di Caribbean
RADO.

“Tur pais miembro mester tin un programa anti-
doping activo cu ta inclui un plan educacional
solido, mas cu claro cu testing. Esaki nan ta e
rekisito basiconan pa cumpli cu e regla nan
di World Anti-Doping. Educacion ta un tool
fundamental pa crea mas conocemento, pues
esaki ta un area cu tur pais miembro mester
pone mas focus”.

Caribbean Regional Anti-Doping Organization
su oficina principal ta situa na Barbados y tin
18 pais como miembro: Antigua & Barbuda,
Aruba, Barbados, Boneiro, British Virgin
Islands, Cayman Islands, Corsou, Dominica,
Grenada, Guyana, Montserrat, St. Lucia, St.
Kitts & Nevis, St. Vincent & The Grenadines,
Suriname, Trinidad & Tobago, Turks & Caicos
Islands, US Virgin Islands.

16