Page 26 - flip min.vos

Pagina 32 Diabierna 20 Febuari 2015

Solodipueblo@gmail.com....

Segun Clifford Rasmijn di Brazil Taekwondo Stichting
Aruba su team di TK5 ta cla pa Surinam

Despues di basta tempo
preparando den silencio
pa e TK5 na Surinam,
Clifford Rasmijn a anuncia
diamars atardi cu e team di
Aruba ta cla pa Surinam.
Despues di e derota na
luna di November na
Corsou na unda cu Aruba
a perde for di Corsou a haci
cu Aruba su team mester
a traha mas duro y focus
mas ariba e grandura di e
atletanan di Corsou.

Awor na Surinam, Aruba,
Corsou, Surinam y Frans
Guyana ta participa y
Clifford Rasmijn a haci
esaki su prioridad di
mas grandi pa e team di
Aruba. Aruba su team
di infantil TK5 di 9 pa
11 aña ta consisti di e
siguiente atletanan: Danon
Delamore, Joshua Klabér,
Jahmani Eisden, Rasheed
Lowe di Brazil Taekwondo
Stichting y Samuel Jones
di San Nicolas Taekwondo
Center. Aruba su team
di cadet TK3 ta consisti
di Hakeem Lowe, Justin
Arrindell y Zahyon Klabér
di Brazil Taekwondo
Stichting.

Aruba su team di junior
TK2 ta consisti di
Jayvan Jansen di Noord
Taekwondo Center y
Jourdé Klabér di Brazil
Taekwondo Stichting.
Otro siman e teamnan
ta biahando pa Surinam
y Clifford Rasmijn tin
cu demostra cu su
preparacion ta fructifero.
Clifford Rasmijn tin cu
atende cu 3 team na
Surinam.