Page 48 - KPA JUNE 25

20 AWEMainta Diahuebs, 25 Juni 2015

ALERTA PA UN ESTAFADOR

COMO cu mi a haya e

conseho di Polis pa denuncia
lo siguiente publicamente
pa proteha nos comunidad
contra un estafador, mi ta
adverti nos poblacion pa ta
alerto contra e malhechor di
un “drechador” di muebles.

E estafador di Pos Chiquito
79-L cu tel. 748 3030,
a cambia su anuncio den
corant, pa sigui gaña y estafa
nos pueblo. Si mi no denuncia
esaki mi ta bira complice
segun e articulo nobo den nos
Codigo Penal segun Polis.
Si bo tin placa di mas of pa
benta afo anto bay deal cu n’e
numa. E ta baila bo cu un lenga
di felpa, dushi dushi, pero no
ta cumpli cu su trabao, ni cu
palabracion y ni tampoco cu
promesanan haci. Ami a cay
pa mi confianza den hende
den su trampa.
E fotonan cu ta bay adhunto
cu e remetido aki ta muestra
y prueba di e estafa cometi.
A paga e estafador Afls.
300,00 pa cambia e pia di
un stul di soya cu ta putri.
Ademas a paga pa verf e
stul Alfs. 250,00. Total pues
Afls. 550,00. Cu e placa aki,
por a cumpra 2 stul di soya.
E ladron no a cambia e pia,
sino yene cu “wood filler” y
tape cu un tapa di verf basta
diki . Tambe a djis “niet” e
asiento di cabana. Nada di
vlechtmento. Mira pa bo mes
e trabou mal haci pa nada
menos cu Alfs. 550,00 bubu.
Na nos prison Santo di Patia
ta haci e trabou aki hopi mas
mihor y hopi mas barata y nos
ta yuda e detenidonan.