Page 32 - SOLO DI PUEBLO 19 SEPTEMBER
P. 32
Pagina 32 Diahuebs 17 September 2015
Solo di Pueblo... Chauffeur a bay dal
tras di auto su dilanti
Accidente cu impacto basta na Palm Beach
fuerte banda di Hoffie Chona
Diarazon mainta a drenta informacion di un accidente
na Palm Beach. Mesora a dirigi un patruya na e sitio.
Na yegada di e patruya a bin compronde cu aki ta trata
di un accidente unda e chauffeur di e Nissan Sentra
blanco no a regula su velocidad y ni a mantene distancia
a bay dal tras di e taxi su dilanti. Afortunadamente
ningun hende a resulta herida.
Diarazon mainta a drenta informacion di un accidente cu hende herida na Paradera
banda di Hoffie Chona. Mesora a dirigi tanto polis como ambulance na e sitio. Na
yegada di e patruya a bin compronde cu e dama chauffeur bayendo nort a perde
control e auto a bay di atras dal riba e muraya di cas y e palo di luz bons bek bay
para otro banda di e caminda. Na yegada di e ambulance nan a atende tanto e
dama chauffeur como tambe e dama ocupante.
Hoben chauffeur no a
mira motociclista bin di
direccion contrario y a
dal den dje
Diamars mainta a drenta informacion di un accidente
cu hende herida na Sero Biento. Mesora a dirigi
tanto polis como ambulance na e sitio. Na yegada
di e patruya ya caba ambulance tabata na e sitio
atendiendo e motociclista kende a resulta herida den
un accidente. Ta asina cu e hoben chauffeur biniendo
di zuid a bay bira na man robez pero debi na e bahada
y e birada e no a mira e motociclista y esaki a bin
dal den dje. Door di e impacto e motociclista a resulta
herida na su pia. Ambulance a atende y transporta e
victima pa hospital.
