Page 6 - LOTTO

AWEMainta Diamars, 22 Maart 2016 29

Premio Excelencia den Deporte

Aruba lo
conoce su
Atletanan
di Aña
2015

DESPUES di casi tres luna di preparacion,

porfin e dia ta spera a yega pa tur e atletanan
nomina pa Premio Excelencia den Deporte
2015.

E aña aki un bes mas, Ministerio di Deporte
encabesa pa Minister di Salubridad Publico,
Cuido di nos Grandinan y Deporte, dr. Alex
Schwengle lo host e magno evento aki cu lo
tuma luga diaranson 23 di maart 2016 den e
mahestuoso Ballroom di Aruba Marriot Beach
Resort & Stellaris Casino.

Aruba su miho atletanan di aña 2015 lo
bini hunto y celebra e anochi di gala dedica
specialmente na nan. E diferente nomidadonan
den cada categoria tanto femenino como
masculino ta conoci mescos pa e categoria
mas importante di e anochi, esta Ekipo di Aña,
Atleta di Aña local y internacional 2015.

Tur invitado ta ser pidi pa ta presente no mas
tarda cu 7’or di anochi na Marriot Hotel.
E evento ta programa pa cuminsa 7’or y mei
exacto. Aña pasa e ganadonan absoluto tabata
e atleta femenino di bowling Kamilah Dammers
y e atleta masculino di triatlon, Renze Postma
kendanan a keda eligi como Aruba su Atleta di
Aña internacional y local.
Mas cu claro Aruba henter ta ancioso pa sa ta
kende lo bira Aruba su atletanan di aña 2015,
mirando e prestacion y reconocemento di e
atletanan nomina ta di nivel halto.

P’e huradonan cu semper tin e tarea dificil di
scoge e ganadonan, esaki tabata un trabou
sumamente pisa cu hopi discusion y evaluacion
propio. Mester corda cu e huradonan a traha a
base di e informacionnan ricibi di e diferente
federacionnan cu ta manda nan atletanan
nomina.
E anochi ta spera di bira uno grandi y bunita.
Hopi exito na tur nos atleta y federacionnan
deportivo.