Page 11 - AM210824

11 AWEMainta .com DiaMARS, 24 August 2021
Polis a detene homber cu a persigui su pare-

ha y yiu riba Avenida Nel Oduber

Diadomingo anochi den careda di 9:20 varios unidad di
Polis a bay pazuid di e rotonde ex Sasaki, cu ta bay direccion
Playa.

Polisnan a ser manda pura debi cu un homber den un
Chevrolet Vivant color blanco tabata sigui su pareha. Tabata
trata di un pareha basta hoben cu lo tin un yiu cu otro.

E homber den e Chevrolet Vivant tabata core cu plachi
number di aña 2019, papelnan no tabata ordo tampoco.
Polisnan a logra stop e auto, mientras e dama tabata den
un Daihatsu shinishi poco mas leu para.

Eynan e dama basta emociona a conta Polisnan di e
problema cu e tin cu su pareha.

Mirando estado di e homber, Polisnan a opta pa detene y
asina evita cu mas laat e lo bay haci problema. E homber
segun Polis tabata bou influencia tambe y a pidi pa
transportwagen.

E homber a roga Polisnan tur manera pa nan no detene y
segun su persona e no a haci nada.