Page 3 - MIN ON

dia. Un exigencia completamente irasonabel cu ta duna e imprecion cu SIMAR no ta compronde e
implicacionnan di nan exigencianan.
Loke SIMAR y unit managers ta exigiendo mester wordo poni den un contexto mas amplio pa asina
ilustra cu esaki ta algo serio y cu no por ignora ley y regla sin mas. Esaki sigur si compara e asunto aki cu
un situacion cu a surgi algun aña atras unda cu un ex-mandatario a duna aumento di salario na
trahadornan pa cual no tabata tin base legal, cu a resulta den consecuencianan serio pa e ex mandatario
den cuestion. Esaki ta algo cu no por ignora y aki ta unda cu SIMAR ta duna e imprecion cu kier obliga
Minister ignora e cuadronan existente.
Mientrastanto Minister Hooyboer-Winkaar a extende un invitacion pa e directiva di SIMAR pa asina
splica nan un biaha mas su posicion. Inicialmente e invitacion tabata dirigi na e Bestuur di SIMAR pa un
reunion hunto cu Minister y representantenan di su Ministerio pero directiva di SIMAR ta proponiendo
un otro constelacion pa cu e reunion, door di inclui abogado y representacion di unit managers. Door di
esaki mester a pospone e reunion aki teniendo na cuenta e disponibilidad di e demas personanan cu di
banda di gobierno lo mester forma parti di e reunion den un constelacion mas amplio.
A duna SIMAR e opcion den caso cu kier mantene e constelacion conforme e invitacion inicial cu e
reunion lo por a sigui e siman aki pero lastimamente SIMAR a insisti pa ta presente cu abogado, algo cu
ta trece e deliberacion den un otro ambiente. Minister Hooyboer-Winklaar ta confirma cu lo reuni cu
SIMAR den transcurso di otro siman dependiendo e disponibilidad di tur hende pa asina bolbe splica e
posicion y pone un punto final na e asunto aki.

http://www.24ora.com/politica-mainmenu-18/106975-minister-michelle-winklaar-ofensa-y-pone-

presion-den-publicidad-no-lo-conduci-cu-como-mandatario-mi-ta-ignora-ley-y-regla