Page 53 - ARUBA BANK

Gobierno di Aruba ta lamente cu den e siman di nos fiesta nacional oposicion ta trece

rumornan falso enbes di demostra orguyo y respet den e dianan unda Aruba completo ta

celebra Himno y Bandera.

Aruba ta enfrentando retonan hopi grandi. Retonan financiero enorme cu nos a hereda di

Gobierno anterior cu facilmente por hustifica un KB, manera oponentenan ta specula.

Presupuestonan 2017 y 2018 cu no ta cumpli cu norma di CAFT danki na e deficitnan

grandi cu sr. Eman a laga nos cu n’e.

Prome Minister Evelyn Wever-Croes ta enfatisa cu si bin un KB mes, e ta un KB atrobe

pa e mal maneho di Gabinete Eman. Cualkier KB awo aki ta culpa di AVP y no di e

Gobierno di Gabinete Wever-Croes cu tin solamente cuater luna ta goberna. Y den cuater

luna ta imposibel pa un gobierno crea un deficit asina grandi pa hustifica un KB. Ta

solamente e mal maneho di ocho aña di Gabinete di Mike Eman por causa un KB.

Oposicion kier bira cos y tira culpa riba Gobierno di Aruba actual pensando cu pueblo no

lo realisa con irealistico esaki ta. Oposicion ainda ta pensa cu nan por sigui gaña un

pueblo door di trece rumornan falso. E Gobierno di AVP ta e unico responsabel pa e debe

di nos pais. E Gobierno di AVP ta e unico responsabel pa e deficit enorme. E Gobierno di

AVP ta e unico culpabel di cualkier KB.

Prome Minister Evelyn Wever-Croes a bisa:

“Mi tin e confiansa cu poder di Dios cu nos ta logra saca Aruba di e abismo financiero y

logra evita e KB ocaciona pa Gabinete Mike Eman. Den e siman di nos fiesta nacional,
ban demostra nos orguyo y stimacion pa nos dushi Aruba. Orguyoso di ta un Arubano.