Page 10 - ATA APRIL 10,15
P. 10
AWEMainta Diabierna, 10 April 2015 21
Ambtenaar
El a cuminsa traha den Gobierno na 1981 na Domein Beheer como bewaker
di Bestuurskantoor. Tabata Sr. Daniel Leo (d.f.m.) cu a pon’e traha cu Oficina
di Turismo den e mesun trabou cu e tabata haci pa Meta Corporation, como
guia di turista den Caya Grandi.
Eynan el a keda pa dos aña y mey, y ora Sr. Rory Arends a bira director di ATA,
el a yama Vale pa bay traha paden. Na ATA el a traha te cu aña 1994. Di eynan
el a pidi traslado pa Instituto di Cultura Aruba, unda cu el a duna orientacion
y conseho na personanan cu ta bin cu proyectonan cultural.
Na Instituto di Cultura Aruba, Vale Croes a traha riba diferente proyecto, di
cual ta menciona dos: Plan Desaroyo Comunitario, for di cual a sali un idea
sumamente bunita cu ta yama “Pasco den Bario”. E tabata un idea di Minister
Lily Beke cu tabata cuminsa den luna di october te cu december. Den e trabou
aki tabata traha cu Sr. Robert Maduro y hunto tabata prepara e trabounan cu
bandanan musical, entre otro gruponan di gaita y otro ideanan, etc.
Proyectonan adicional: Dia Nacional di Mucha, hunto cu Sr. Robert Maduro,
Vale tabata encarga cu esaki. Un proyecto cu a keda bira grandi aña pa aña.
E energia y enfasis riba e actividadnan cu nan ta pone ta bay estrictamente
pa mucha.
Show di Vale
Tabatin un receso di 2001 te cu 2009 pa Aruba, pero na Corsou, Boneiro, Sint
Maarten, y Hulanda Vale a sigui cu su Show. Na 2004 Vale Croes y Robby
Jansen a bolbe conkista e titulo di Prins der Prinsen.
Remarcabel ta cu Vale ta e unico comico di Aruba, y na ultimo tabata
entrenando un par di muchanan homber cu pronto lo tuma e rienda
di su shownan.
Na november di 2011 Vale a cumpli e bunita edad di 60 aña. Mester
bisa acerca cu na Corsou y Aruba, Vale ta invicto den su comicidad.
Te ainda no tin ningun hende pa gan’e den comicidad. Vale ta nos
artista number uno den comicidad y orguyo di Aruba. Unda cu
el a bay e tabata laga un stempel graba den curason di su fiel
siguidonan y semper a mantene e nomber di Aruba den
laira. Hoben y grandi, hende muhe y hende homber, tur
ta stima e Arubiano Original cu yama Vale Croes. Vale a
baha cu pensioen y ainda a preparando un Show titula
“Bahando cu Pensioen”.
Logronan
Vale a ricibi e premio di Dia Mundial di Teatro riba 27
di maart 2011 como actor, pa su trayectorio y contri-
bucion riba tereno di teatro y comicidad tanto local
como internacional. Nos por bisa cu Vale tin como
54 aña den canto y 34 aña haciendo su shownan
humoristico Show di Vale, cu diferente tema. El a
baha cu pensioen na 2011 cu 30 aña den servicio
di Gobierno, caminda tambe el a duna un gran
contribucion.
Vale Croes ta un gran baluarte, exponente cultural,
humoristico, cantante y actor comico cu a bay laga
nos. Departamento di Cultura Aruba, director, staf
y personal ta expresa palabra di condolencia na su
Sra. Lourdes, su yiu y nietonan, demas famia, amigo
y conocinan di Vale. Deseando nan forsa, sabiduria
y comprension na e momento aki. Cu Vale sosega
na paz.
Ambtenaar
El a cuminsa traha den Gobierno na 1981 na Domein Beheer como bewaker
di Bestuurskantoor. Tabata Sr. Daniel Leo (d.f.m.) cu a pon’e traha cu Oficina
di Turismo den e mesun trabou cu e tabata haci pa Meta Corporation, como
guia di turista den Caya Grandi.
Eynan el a keda pa dos aña y mey, y ora Sr. Rory Arends a bira director di ATA,
el a yama Vale pa bay traha paden. Na ATA el a traha te cu aña 1994. Di eynan
el a pidi traslado pa Instituto di Cultura Aruba, unda cu el a duna orientacion
y conseho na personanan cu ta bin cu proyectonan cultural.
Na Instituto di Cultura Aruba, Vale Croes a traha riba diferente proyecto, di
cual ta menciona dos: Plan Desaroyo Comunitario, for di cual a sali un idea
sumamente bunita cu ta yama “Pasco den Bario”. E tabata un idea di Minister
Lily Beke cu tabata cuminsa den luna di october te cu december. Den e trabou
aki tabata traha cu Sr. Robert Maduro y hunto tabata prepara e trabounan cu
bandanan musical, entre otro gruponan di gaita y otro ideanan, etc.
Proyectonan adicional: Dia Nacional di Mucha, hunto cu Sr. Robert Maduro,
Vale tabata encarga cu esaki. Un proyecto cu a keda bira grandi aña pa aña.
E energia y enfasis riba e actividadnan cu nan ta pone ta bay estrictamente
pa mucha.
Show di Vale
Tabatin un receso di 2001 te cu 2009 pa Aruba, pero na Corsou, Boneiro, Sint
Maarten, y Hulanda Vale a sigui cu su Show. Na 2004 Vale Croes y Robby
Jansen a bolbe conkista e titulo di Prins der Prinsen.
Remarcabel ta cu Vale ta e unico comico di Aruba, y na ultimo tabata
entrenando un par di muchanan homber cu pronto lo tuma e rienda
di su shownan.
Na november di 2011 Vale a cumpli e bunita edad di 60 aña. Mester
bisa acerca cu na Corsou y Aruba, Vale ta invicto den su comicidad.
Te ainda no tin ningun hende pa gan’e den comicidad. Vale ta nos
artista number uno den comicidad y orguyo di Aruba. Unda cu
el a bay e tabata laga un stempel graba den curason di su fiel
siguidonan y semper a mantene e nomber di Aruba den
laira. Hoben y grandi, hende muhe y hende homber, tur
ta stima e Arubiano Original cu yama Vale Croes. Vale a
baha cu pensioen y ainda a preparando un Show titula
“Bahando cu Pensioen”.
Logronan
Vale a ricibi e premio di Dia Mundial di Teatro riba 27
di maart 2011 como actor, pa su trayectorio y contri-
bucion riba tereno di teatro y comicidad tanto local
como internacional. Nos por bisa cu Vale tin como
54 aña den canto y 34 aña haciendo su shownan
humoristico Show di Vale, cu diferente tema. El a
baha cu pensioen na 2011 cu 30 aña den servicio
di Gobierno, caminda tambe el a duna un gran
contribucion.
Vale Croes ta un gran baluarte, exponente cultural,
humoristico, cantante y actor comico cu a bay laga
nos. Departamento di Cultura Aruba, director, staf
y personal ta expresa palabra di condolencia na su
Sra. Lourdes, su yiu y nietonan, demas famia, amigo
y conocinan di Vale. Deseando nan forsa, sabiduria
y comprension na e momento aki. Cu Vale sosega
na paz.
