Page 29 - MIN JUS - ARTHUR DOWERS 28 SEPT,2015
P. 29
8 AWEMainta Dialuna, 28 September 2015
Organisa pa Divisie Speciale Interventie di Hulanda SIMAN pasa a tuma lugar na Aruba un entrenamento
Polis a completa training intensivo riba tereno di maneho di crisis ofreci pa Divisie
special di “Crisis Management” Speciale Interventie (Division Intervencionnan Special)
di Cuerpo Policial di Hulanda.
Mas di 30 Polis den posicionnan clave na top di Cuerpo
Policial di Aruba a participa n’e curso “Crisis Manage-
ment Training” cu tabatin un duracion di tres dia y a
ensera dos dia di training y un dia di evaluacion.
Esaki tabata e prome biaha cu e training aki a tuma
lugar na Aruba.
Alto Comisario di Polis, mr. Adolfo “Dolfi” Richardson a
comenta cu tabata hopi bon pa tende di e expertonan cu
a duna e trainingnan, cu nan ta haya cu aunke e team di
Polis di Aruba ta hoben, cu nan ta hopi dedica.
Cu nan “approach” durante e training ta prueba di e
hecho cu Cuerpo Policial di Aruba tin un compromiso
cu e comunidad pa ta cla y prepara como organisacion
pa enfrenta cualkier eventualidad, asina Alto Comisario
Richardson a agrega.
El a bisa cu como e hefe maximo di Polis, cu e por ta
trankil cu tin hendenan den e organisacion cu ta pre-
para pa duna guia durante di e tipo di crisis treci dilanti
durante di e training.
Danki n’e bon relacion di trabao entre e Ministernan di
Husticia den Reino Hulandes y e colaboracion estrecho
entre e Alto Comisarionan di Polis di e islanan, cu ta tra-
duci su mes den e tipo di cursonan asina, manera esun
aki di Crisis Management realisa na Aruba.
Un di e obhetivonan di Cuerpo Policial ta pa percura, cu
aunke nan ta un cuerpo chikito, pa tog tin e experticio y
profesionalismo necesario den cas.
Mundo ta desaroyando di un forma cu tur sorto di reto
por presenta na cualkier momento y ta bon como organ-
isacion cu ta combati criminalidad pa Cuerpo Policial
ta cla pa enfrenta cualkier eventualidad, Richardson a
expresa.
P’esey mes, mester sigui inverti den curso y training-
nan. E grupo cu a duna e training den preparacion pa
calamidad na Aruba ta duna cursonan na diferente otro
pais tambe.
