Page 37 - MIN.ECEM

A7
REGIONAL Diasabra 28 OctOber 2017
Operado financiero di Cartel di Sinaloa deteni riba solicitud di Merca

MEXICO (BioBio).- Un homber cu ta e
operador financiero di cartel di Sinaloa,
organisacion cu tabata dirigi pa e capo
Joaquín “El Chapo” Guzmán, a keda de-
teni, cu obhetivo di extradicion pa Merca,
Fiscalia General di Mexico a informa.

Víctor Manuel “N” a ser deteni diahuebs marduga na capi-
tal di Mexico, y husticia Mericano ta solicita su extradicion,
riba acusacion di asociacion delictivo, delito contra salud y la-
bamento di placa, Fiscalia a informa.

Segun ley di Mexico, e fam di e suheto cu a keda deteni no por sali na luz publico ainda, aunke
medio local a identifica e suheto como Víctor Manuel Félix Arellano, miho conoci como “El
Vic”, ciudadano cu ta amigo di yiunan di Chapo Guzman.

E ta identifica como un operador financiero, encarga cu labamento di placa di un grupo di
delincuente cu tin presencia na Sinaloa y Baha California. E ta supuestamente responsabel pa
hiba droga pa Merca, según Israel Lira, un fiscal specialisa den delincuencia organisa a splica

Papa Francisco cu yamado

na tur gobierno pa ricibi

migrante

Latinoamerica (Globovision).- Papa Francisco a
haci un yamado na tur hoben inmigrante, cu por
keda afecta pa e programa Mericano DACA, pa
sigui cu nan soño.

Papa Francisco a papia via un video cu hobennan conecta na
Texas, Puerto Rico y otro pais di Latinoamerica. Papa a haci
un yamado na tur gobierno pa ricibi inmigrante. El a pidi
tambe pa tur inmigrante duna respet na tur ley cu ta regula e
pais caminda nan ta biba.
Trump a bisa cu e lo kita e programa di Accion Diferi pa
hoben cu a yega Merca desde nan niñez, cu ta conoci como
DACA. Trump a pidi pa Congreso presenta un alternativa pa
e programa aki.
“E prome cos cu mi kier bisa bo, ta cu ami ta resa tur dia pa
boso. E di dos cos ta cu mester sigui soña. El a bisa cu nan
mester busca un hende cu por duna amor y cu lo kier defende
boso na momentonan dificil,” Papa Francisco a splica.

DACA ta protege cerca di 800.000 persona, di cual hopi ta
studiante di universidad y hoben profesional, cu a yega Merca
di manera ilegal, tempo cu nan tabata mucha, of tempo cu nan
a drenta teritorio Mericano cu visa hunto cu nan famia y nan
a keda na Merca te dia cu nan visa a caduca.
Papa Francisco a bisa cu el a cuestiona henter e intencion di
Trump di elimina e programa. Francisco a bisa cu cualkier
hende cu ta apoya e garantia di bida, mester traha pa logra
mantene tur famia uni.
Via conexion di video Papa Francisco a duna su comentarion-
an na studiantenan envolvi den e iniciativa di Scholas Ocur-
rentes, cu Papa Francisco a desaroya tempo cu e tabata arzo-
bispo di Buenos Aires. Su intencion tabata pa fomenta dialogo
entre hoben di diferente pais y cultura. Papa Francisco a con-
verti e programa aki den un fundacion di derecho pontificio,
y asina ta permiti tur apoyo di Santa Sede.