Page 9 - RDA
P. 9
Merca a prohibi tur cu ta haci negoshi
cu Merca, pa usa e placa ‘Petro’
Posted on 03/19/2018 5:10 pm AST | Updated on 03/19/2018 5:11 pm AST
WASHINGTON/CARACAS – Gobierno Mericano dialuna a prohibi operacionnan
cu ta involucra moneda (placa) cripto Venezolano, y mes momento a sanciona
cuater funcionario y ex funcionario Chavisa, intensificando e presion di Washington
riba e gobierno di Nicolas Maduro. Asina e portal ElnuevoHerald ta raporta. E
orden ehecutivo a wordo firma pa presidente Mericano Donald Trump, prohibiendo
tur hende of compania cu ta suheto na ley Mericano, pa realisa transaccion cu
cualkier placa digital emiti pa gobierno Venezolano despues di 9 di februari 2018,
cu a haya e nomber di ‘Petro’. Segun Trump, asina Venezuela ta purba burla di e
sancion impone contra dje.
LISTA PRETO
Esnan ubica riba e lista preto, ta entre otro Américo Alex Mata García, director di Banco
Nacional de Vivienda y Hábitat; Carlos Alberto Rotondaro Cova, ex presidente di
directorio diInstituto Venezolano di Seguro Social; Willian Antonio Contreras,
Superintendente Nacional pa Defensa di Derecho Socioeconómicos y Nelson Reinaldo
Lepaje Salazar, Tesorero Nacional interino
