Page 8 - flip min.on

Analizando tarifanan di school geld den diferente area di
enseñanza na Aruba

Friday, 06 February 2015 21:25
Comparti

E ta un discusion valido pa hiba, esta e aumento drastico cu SKOA, e fundacion di scolnan catolico, kier
introduci den e aña escolar nobo. Specialmente si considera e otro scolnan, manera Peuterschool conoci
como crash unda facilmente ta paga 400 florin pa luna pa e yiu bay mita dia. Na Kleuterschool,
tarifa ta cuminsa desde 100 florin pa anja na Comandeur Pieterboer School y ta subi te cu 250 florin pa
anja na Scol Preparatorio Washingotn of Arco Iris. Hecho ta cu no tin un tarifa fiho, pasobra scolnan
publico tin diferente tarifa pa anja. Na scol basico e tarifa ta cuminsa desde 80 florin pa anja na
Comandeur Pieterboer school y ta alcansa un maximo di 200 florin pa anja na Prinses Amaila of na
Reina Beatrix School. Por mira pues cu segun e mucha ta crece, e tarifa pa schoolgeld ta baha. Pa loke ta
scolnan protestant, aki por mira cu pabou di brug ta cobra 525 florin pa anja mientras cu pariba di brug e
ta sali e mayor 400 florin pa anja, pues menos. Scolnan basico protestant, manera Mon Plaisir College ta
cobra alumnonan nobo 675 florin pa anja pa scolnan pabou di brug y 400 florin pa pariba di brug.
Alumnonan existente ta paga 575 florin pabou di brig y 350 florin pariba di brug. Na MAVO di scolnan
protestant, nan ta paga 600 florin pa anja pa pabou di brug y 425 pariba di brug. E suma ey ta baha un
poco ora ta alumno existente. Scolnan publico MAVO y Colegio San Nicolas tambe tin tarifanan cu ta
varia y ta cuminsa desde 110 florin pa anja pa Aspirant Opleiding y ta yega 210 florin pa anja pa Colegio
San Nicolas. De facto, ta nota cu e tarifanan di scolnan publico di Gobierno y scolnan protestant ta hopi
mas halto cu scolnan catolico, unda ta cobra solamente 75 florin pa anja. E pregunta ta, dikon nunca a
adapta e tarifanan durante e ultimo 14 anjanan? Dikon ora a mira Gobierno mes adapta su tarifanan,
dikon no a probecha adapta esunnan di SKOA tambe? E aumento awor ta hustificabel kisas
financieramente pero difiicl pa introduci den un solo biaha despues di tanto anja.

Comentarionan (4)

Mustra/Kita comentarionan
bruin
February 07, 2015
2 0 1 .2 2 9 .5 2 .2 3 5
Votes: +3

...
Stop abuso, bo mester stop di papa coi loco, tin leerplicht esey ta berdat, ningun caminda na Aruba y den ningun lei
ta excisti skolplicht. Laga mi sinja bo e differencia, leerplicht ta cu e mayor ta obliga pa busca estudion pa su yiu, e
porta na cas tambe dus estudio nan cas, esey ta pasonabo como mayor por paga un docente na cas y skolplicht ta
cu e mucha ta obliga din bai skol. Anto den ningun ley di derecho di mucha ta scribi cu e mucha mester hanja skol