Page 12 - kpa 8jan,2016

Pagina 14 Diabierna 8 Januari 2016

Na Kudawecha:

Un gran cantidad di polis riba pia trahando a logra captura
atracadornan cu a comete atraco den dia cla

Diahuebs atardi a drenta
informe di un caso di
atraco na Negro Diamante
na Kudawecha. Mesora a
dirigi varios patruya pa e
sitio. Na caminda pa e sitio
e cantidad di patruyanan
cu tabata den e area a
haya descripcion di e 2
sospechosonan di cual
un di nan tabata arma
cu un arma di candela.
Ora cu e prome patruya
a yega, a bin comprende
cu e sospechosonan a
cruza caminda bay panort.
Polisnan a rondona e area
panort y a logra captura
e 2 sospechosonan,
pero tabata falta e arma
cual ta essencial pa e
investigacion.

Atraco Team a ser avisa y a
tuma e investigacion over.
E dama di e lugar di loteria
cu a bira pa e di tantisimo
biaha victima di atraco a
relata cu e atracadornan
sa bon unda e placa ta
poni pero como ta mucho
tempran e atracadornan a
bay cu unicamente entre
300 cu 400 florin. E dama
a bisa cu e biaha aki el’a
fada. El’a expone su mes
na core e riesgo y a dal un
di e atracadornan cu e stoel
ora cu e tabata huyendo.
Mas despues den atardi
polis a bin encontra e arma
di candela den un cura mas
of menos 100 meter cerca di
cas. Huyendo e atracador a
purba di deshaci su mes di
e arma.